گرۆپێن چهكدار ل عهفرينێ د دزێ ده بهردهوامن
گروپێن چهكدار يێن ل عهفرينا رۆژئاڤايێ كوردستانێ د دزي و تالانكرن و بنپێكرنا باژارێ عهفرينێ ده بهردهوامن و دزيا وان يا ههري داوي ژي ب بههانهيا شێست مليون ليرهێن سوري بوو .
رهوانگهها سوري يا مافێ مرۆڤان دوه رۆژا يهكشهمێ راگهاند كو گرووپێن چهكدار يێن كو توركيێ وان ب رێ ڤه دبه عهمبارهكا كهل و پهلێن ئۆتۆمبيلان يا وهلاتيهكي كورد يێ عهفرينێ ل تاخا كهڤن دزين و بههانهيا وان كهل و پهلان گهشت شێست مليون ليرهێن سوري.
ههر ل گور رهوانگههێ كو ئهو دزي د دهما ئێڤاري ده هات روودان و ئهو كهل و پهلێن كو هاتين دزين بهرڤ جههكي نه ديار ڤه هاتن برن بێ كو تو ئاليێن بهرپرس وهرن دادگههكرن.
رهوانگههێ ههروهها دا زانين كو ژ دهسپێكا مهها ئهيلونێ ده و پشتي دهرهنگێ شهڤێ دهما كو خهلكێن سڤيل ل كولانان نامينن گرووپێن چهكدار چالاك دبن و دهست ب دزيێ دكن.
وهكو د حهفتهيا بوري ده جارهك دن گرووێن چهكدار عهمبارهكا دن يا كهل و پهلێن ئامادهكرنا مالان و يێن ئلكتريكێ دزين و بهرڤ جههكي نه ديار ڤه برن .
دهربارێ وێ يهكي گرووپێن چهكدار خهلكێن كورد يێن عهفرينێ تومهتباردكن و رهوشهكا مهترسيێ ل جهم وان درووست دكن داكو دزيا مالێن وان ژي بكن , كو بهري دهمهكي ژي ژنهكا كورد تهمهن مهزن ل تاخا مهحموديێ راستي لێدانهكي ژ ئاليێ گرووپا جيش ئهلشرقيه ڤه هات پشتي كو وێ گرووپي ژ وێ ژنێ خوستن كو ژ مالا خوه دهركهڤه ب تومهتا كو ئهو ب پهيهدێ ره ئاليكارن , و پشتي وێ ژنا تهمهن مهزن ئهو يهك رهد كر راستي لێدانهكي ل سهر دهستێ چهكدارهكي ژ چهكدارێن وێ گرووپێ ڤه هات.
ژ دهسپێكا دهستهسهركرنا عهفرينا رۆژئاڤايێ كوردستانێ ژ ئاليێ توركيێ و گرووپێن چهكدار ڤه و وهلاتيێن كورد يێن عهفرينێ گازندان ژ گرووپێن چهكدار دكن كو د دزي و تالانكرن و بنپێكرنێن خوه ده بهردهوامن بێ كو تو رێگري ژ تو ئاليان ڤه ژ وان ره وهره كرن .
383
