یەكیتیا ئەورپایێ دانپێدانێ ب سەروەریا ئسرائیلێ لسەر جۆلانێ ناكە
ارك نیوز .. یەكیتیا ئەورۆپایێ چارەكە دن هەلوێستا خوە دەرباری جۆلانێ نوو كر و بێژە ئەو توو چاری دانپێدانێ ب سەروەریا ئسرائیلێ لسەر جۆلانێ ناكە .
فیدیریكا مۆگیرینی بەردەڤكا سیاسەتا دەرڤە یا یەكیتیا ئەورپایێ د جڤینەكە پەرلەمەنتۆیا ئەوریا دەرباری پرسێن سیاسەتا دەرڤە گۆت كو دەرباری دانپێدانا ئەمەریكا ب سەروەریا ئسرائیلێ لسەر جۆلانا سوری هەلوێستا یەكیتیا ئەورپایی پر زەلالە وتوو چاری یكیتیا ئەورپا دانپێدانێ ب سەروەریا ئسرائیلێ لسەر هەر خاكەك داگیر كری دناڤ واندە بلنداهیێن جۆلانێ نە د دەما نها دە و نەژی د پێشەرۆژێ ناكە .
هەروەها مۆكیرینی گۆت ژی كو نها پێنج وەلات د یكیتیا ئەورپایێ دە هەنە د ئەنجومەنا ئەولەهیا ناڤدەولتی دە دجڤن، و داوی داخویانیا خوە یا هەەڤبەش دەرباری جۆلانێ دیار كر .
هەر دڤێ دەربارێ دە بەردەڤكا سیاسەتا دەرڤە یا یەكیتیا ئەورپایی سیاسەتا ئسرائیلێ د بەرفرەهكرنا داگیرگەهێن خوە ل بەرئاڤا رۆژئاڤایی ئانگۆ الدفە الغربیە بتوندی شەرمەزار كر و گۆت كو د نەرینا مە دە ئەڤ سیاسەت نە یاسایی یە و لدژی پێوەرێن ناڤدەولتی یە و سەربار كر كو یەكیتیا ئەورپایی دبینە كو ناكوكییێن دناڤبەرا فلستین و ئسرائیل تەنێ ب رێیا چارەسەریا ئاشتیانە تێ چارسەركرن و ئارمانجا مە یا ئستراتیجی ئەوە پشتگریا ڤێ پلانێ یە داكو دانوستاندنێن نوو دناڤبەرا هەردوو وەلاتان دە چارەكە دن دەستپێبكە .
د داوی دە مۆگەرینی دا زانین كو ئەگەر هەردوو ئالی گهشتن رێكەفتنەكێ لگۆری پرنسیبا هەردوو وەلاتان و چارەسەركرنا رەوشا قدسێ دوێ دەمێ دە یكیتیا ئەوریا وێ دانپێدانێ ب هەموو گوهەرتنێن كو پشتی سالا هەزار و نەهسەد و شێست و حەفتان دە لسەر سینۆرێ ئسرائیلێ هاتنە كرن بكە .
539
