ئهلمانيا مهترسيا خوه ژ تهرورا داعشێ ديار دكه
سهروكێ دهستهیا ههوالگریا ئهلمانی راگهاند كو تهڤی شكهستنا داعشێ ل سووریێ وعراق لێ رێخستنا ناڤبوری دكاره د ههمى دهمان ده ئیریشێن تیرورستی ل ئهلمانیا پێكبینه , بتایبهت كو وهلاتێ وی نكاره چاڤدێریا ههمى كهسێن كو گومان ل وان تێ كرن كو ب سهر داعشێ ڤه نه بكه .
سهروكێ دهستهیا ههوالگریا ئهلمانی " توماس هالدنفانغ " ژ روژنامهیا " فیلت أم سونتاغ " دیاركر كو هژمارا كهسێن كو گومان ل وان تێ كرن كو نیزیكى چهكدارێن داعشێ نه ژ 300 كهسی د سالا 2018ان ده گهشته 2240 كهسێ د 2019ان ده .
ناڤبوری بالكشاند سهر وێ یهكێ دهزگههێن ئهولههی یێن ئهلمانی نكارن چاڤدێریا ڤێ هژمارا پر یا تهروریستان بكن , ژ بهر كو پیویستیا ههر كهسهكی ژ وان ب 40 كهسی ژ دهزگههێن ئهولههی ههیه , ژ بو چاڤدێریا چون وهاتن ولهڤ و تهڤهگهرا وی .
ژ ئالیهكی دن ڤه توماس داخوازا چاڤدێریا زاروكێن چهكدارێن داعشێ یێن كو ژ سووریا وعراقێ هاتنه كر , كو بگوتنا وی بێ گومان وان زاروكان باڤێن خوه دیتن وهختی كوشتن دكرن وئهو سهربلند بون ب كریارێن وان .
تهڤی كو حكومهتا ئهلمانی ڤهگهرا چهكدارێن خوه یێن كو تهڤلی داعشێ بوبون رهدكربو لێ حهفتیا بوری حكومهتا ناڤبوری 9 زاروكێن چهكدارێن داعشێ یێن كو ل عراقێ بون ل خوه گرت وئهو ڤهگهراندن ئهلمانیا ههروهها چار زاروكێن دن كو باڤێ وان ئهلمانی بو ل گهل دایكا وان ژ سووریێ ڤهگهراندن ئهلمانیا كو پشتره دایكا وان دهستهسهر كرن .
479
