ئۆپەراسیۆنا لەشكەری لباكورێ سوریێ ژ ئالیێ رێژیما ئەسەد و روسیا ڤە بەردەوامە

ارك نیوز .. بالافرێن روسی و مێلیسێن ئیرانی د ئۆپەراسیۆنا خوە یا لەشكەری دە لباكورێ سوریێ بەردەوامە كو د ئەنجاما وێ ئۆپەراسیۆنا لەشكەری دە ب دەهان سڤیل دبن قربانی .

تیما هەڤرێزكارێن بەرسڤدانێ راگهاندن كو ژ بەریا دوو مەه ونیڤان ڤە ئانگۆ ژ سباتا بووری ڤە و بالافرێن شەركەر یێن روسی و مێلیسێن ئیرانی د ئەنجامدانا ئۆپەراسیۆنێن ئەسمانی دە لسەر هەژمارەك باژار و باژارۆك لباكورێ سوریێ بتایبەتی ل دەڤەرا بێ چەك دە بەردەوامە .

د داخویانیەكێ دە تیما ناڤبوری ئەشكەرە كر كو د ئەنجاما وێ ئۆپەراسیۆنێ بێهتری دووسەد و پێنجی و چار سڤیل دناڤ واندە نۆت و یەك زارۆك ژی هەبوون تا نها هاتنە كوشتن ، دووسەد سڤیل لباژارێ ئدلبێ و گوندەوارێ وێ هاتنە كوشتن و چل وپێنج ل حمایی ژیانا خوە ژ دەست دانە و حەفت وەلاتی ل حەلەبێ ودوو ل لازقیی بوونە قربانی .

هەمان تیمێ د داخویانیا خوە دە دیار كر كو ب سەدەما وێ ئۆپەراسیۆنێ پێلەكە دەربەدەریێ مەزن درست بوو كو نێزیكی سەد و هەیشتێ و شەش هەزار و دووسەد و پێنجی و دوو كەس دەڤ ژ مال و ملكێن خوە بەردان ودەربەدەری دەڤەرێن ئارام بوون كو ژ وێ هەژمارێ 26857 كەس الدانا و 25019 كەس دەربەدەری باژارێ معرە النعمان بوون هەروەها 17182 دەربەدەر ل باژارێ كفر نبل بجه بوون .

تیما هەڤرێزكارێن بەرسڤ دانێ د داویا داخویانیا خوە دە بەردەوامیا ئۆپەراسیۆنا لەشكەری لسەر باكورێ سوریێ ژ ئالیێ روسیا و ئیران ڤە بتوندی شەرمەزار هەڤدەمی بێ دەنگیا ناڤدەولتی و داخواز ژ ئالیێن ناڤدەولتی و رێخستنێن مافێ مرۆڤان كر كوب ێ دەنگیا خوە بشكینن و دزوترین دەم دە دەستوەردانێ بكن ژبۆ راوەستاندنا ڤان ئێریشێن توووند لسەر سڤیلان .

دۆه ژی چالاكڤانان ژناڤا ئدلبێ راگهاندن كو دەرەنگی شەڤێ بالافرێن شەركەر یێن روسی ب هەژمارەك ئۆپەراسیۆنێن ئەسمانی باژارۆكێ اۆرم الجوز و دەردۆرا باژارێ اریحا لباشورێ گوندەارێ ئدلبێ ئارمانج كرن و دیار كرن كو كو د ئەنجاما وان ئێریشان دە مالباتەك بتەمامی كو ژ حەفت كەسان پێك دهات هاتن كوشتن سەرباری گهشتنا زیانێن مادی لسەر مال وملكێن وەلاتیێن وێ دەڤەرێ .

هەروەها بەرەڤانیا سڤیل ژی ژ ئالیێ خوەڤە دیار كر كو د ئەنجا ئێریشێن رێژیما ئەسەد لسەر گوندەوارێ حمایێ بتایبەتی باژارۆكێ الحویز و كفرنبل و العمیقە و الحمرا و الحویجە و گەلەها المدیق هەژمارەك وەلاتیێن سڤیل هاتن كوشتن .

بەرەڤانیا سڤیل دا زانین ژی كو رۆژ ب رۆژ و رێژیما ئەسەد ئێریشێن خوە لسەر هەردوو گوندەوارێن ئدلب و حمایی گوورتر دكە و د ئەنجاما وان ئێریشان دە خەلكێ دەڤەرێ نەچار دبن مالێن خوە بجه بهلێن وبەرێ خوە بدن دەڤەرێن ئارام .

لباژارێ حەلەبێ ژی دۆه بازارا گەلیری ب هەژمارەك تۆپ و موشەكان هاتە ئارمانج كرن كو د ئەنجامێ دە بێهتری شەش سڤیل هاتن كوشتن لگەل برینداربوونا هەژمارەك كەسێن دن.

383