به‌لجيكا هه‌ول دده كو زاروكێن خوه يێن كو ته‌ڤلى داعشێ بوبون ڤه‌گه‌رينن
به‌رپرسه‌كى حكومه‌تا به‌لجیكى راگهاند كو ئه‌و كار دكن ژ بو ڤه‌گه‌را زاروكێن وان یێن بچوك یێن كو ل جه‌م داعشێ نه ونه‌ها ل ناڤا كامپان دژین ل كوردستانا سووریێ لێ تو ده‌مێن ده‌ست نیشان كری ژ بو جیبه‌جیكرنا ڤێ یه‌كێ ده‌ست نیشان نه‌كر .
وه‌زیرێ دادا به‌لجیكی جینس كوین دیاركر كو هه‌لوه‌ستا حكومه‌تا وه‌لاتێ وی دیاره ئه‌و ژی پابه‌ندی ب ڤه‌گه‌راندنا زاروكێن بچوك یێن كو ته‌مه‌نێ وان كێمى ده‌ه سالایه ویێن ته‌مه‌نێ وان بێهترى 10 سالانه وێ لیكولینه‌ك ده‌ربارێ وان ده وه‌ره كرن .
كوین ئه‌شكه‌ره كر كو نه‌ها په‌یوه‌ندى هه‌نه د ڤی واری دده وئالیكارى وهه‌ماهنگیه‌ك دناڤبه‌را حكومه‌تا وه‌لاتێ وی ورێخستنێن به‌لجیكى ومروڤی هه‌یه دا كو هژمارا زاروكێن خودان ره‌گه‌زنامه‌یا به‌لجیكى ناس بكن هه‌روه‌ها جهێ وان ل سه‌ر خاكا سووریێ .
ئه‌ڤ تێ پشتى كو هاته راگهاندن كو دو زاروكێن به‌لجیكى یێن داعشێ ل ناڤا كامپه‌كێ ل سووریێ ژیانا خوه ژ ده‌ست دان كو ئه‌ڤ كارڤه‌نداك وێ یا مه‌زن هه‌بو ل به‌لجیكا كو حكومه‌ت نه‌چار كر كو هه‌ول بده وان زاروكان ڤه‌گه‌رینه.
كوین سه‌رباركر وگوت كو ره‌وشا ژیانێ ل ناڤا كامپان ل سووریێ گه‌له‌ك خه‌رابه بتایبه‌ت كامپێن ژن وزاروكێن داعشێ وپیویستیا وێ ب ئالیكاریه‌ك بله‌ز هه‌یه وهیڤى كر كو چاره‌سه‌ریه‌ك بله‌ز ژ ڤێ ره‌وشێ ره وه‌ره دیتن .
ل گوری ئامارێن نه فه‌رمى كو هژمارا زاروكێن به‌لجیكى ل سووریێ وعراقێ نیزیكى 162 زاروكی نه لێ هنده‌ك ژێده‌رێن دن دبێژن كو هژمارا وان 115 كو پرانیا وان كیمی شه‌ش سالانه لێ ئامارێن فه‌رمى وتوماركرى دبێژه كو 20 زاروكێن به‌لجیكى كو 4 ژ وان سێوى نه نه‌ها ل سووریێ دمینن .
418
