چاندنیا رێژیمێ: زەرەر ل سەر بەرهەمێن چاندنیێ لدێرك و سەرێ كانیێ تونەنە
ئیسال رێژەیا بارینا بارانێ ل ناڤچەیێ و رۆژئاڤایێ كوردستانێ و درێژبوونا دەما سەقایا سار ژ سالێن بووری گەلەكی بهتر بوو، رێڤەبەریا چاندنیێ یا رێژیما ئەسەد ل حەسەكێ ژی دبێژە تو زیان نەگهشتنە بەرهەمێن چاندنیێ.
د داخویانیەكە رۆژنامەڤانی دە رەجەب ئەلسەلامە ئالیكارێ رێڤەبرێ چاندنیێ یا بسەر رێژیما سووریێ ل حەسەكێ گۆت كو نا رەوشا بەرهەمێن چاندنیێ باشە و تو زیان ژ بەر سەرمایێ نەخواریە، نەخاسم ل ناڤچەیێن دێرك، زهێریێ و مەبرووكە، و تەنێ زیان ژ ئەنجاما پاشمایێن لەهیان هەبوون.
هەر ل سەر ڤێ مژارێ رێڤەبرێ شاخێ دەزگەها كێمكرنا باندۆرێن هشكبوون و كارەساتێن سروشتی ل حەسەكێ عەمار مەجید كو بسەر رێژیمێ ڤەیە گۆت هن رووبەر كو زیان ژبەر لەهیان خوارنە ل ناڤچەیێن تل حەمیس هاتنە دیتن وئەشكەرەكر كو دەه هەزار دۆنم راستی زیانێ هاتنە و دبن ئاڤێ دە مایە هەروەها رووبەرەك ل تربەسپیێ ژی راستی زیانێ هاتیە.
ل گۆری داتایێن فەرمی كو ل پارێزگەها حەسەكێ نەهەسەد و دەه هەزار هكتار ب بەرهەمێن زڤستانی هاتنە چاندن.
ل رۆژئاڤایێ كوردستانێ ژبەر گەلەك سەدەمان مینا رەوشا تەڤلیهەڤیێ سەرباری رەوشا سەقایێ، چاندنی بگشتی راستی كێمبوون و زیانێ هاتیە، نەخاسم بەرهەمێن گەنم، و پەمبوو، كو چۆتكار ناڤبەرا رێژیم و پەیەدێ دە نەچار دبن بەرهەمێن خوە ب نرخێن كێم یێن دەستنیشانكری بفرۆشن.
401
