ل دێرازۆرێ پەیەدێ وەلاتیەك كوشت

ل گوندەوراێ دێرازۆرێ وەلاتیەكی سڤیل لسەر دەستێ چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژێ، هات كوشتن

مالپەرا فەرمی یا كوالسیۆنا نشتیمانی یا ئۆپۆزسیۆنا سووریێ بەلاڤكریە كو چەكدارێن پەیەدێ وەلاتیێ بناڤێ خەلیل ئەلعەبدولعەزیز كو بخوە خەلكێ گوندێ ئەبۆ حەردووب یێ گوندەوارێ دێرازۆرێ یە كوشت و پشترە تەرمێ وی رادەستی مالباتا وی كر.

ل گۆری مالپەرا ناڤبۆری كو دیمەنێن وی وەلاتیی دیاردكن كو گولەیەك دسەرێ خوە دە خواری یە، و پشتی رادەستكرنا تەرمێ وی، خوەنیشاندانەك لگوندێ وی هات لدارخستن تێ دە داخوازا سزاكرنا پێكئینەران هەروەها ئەو بویەر هات شەرمەزاركرن.

ل گۆری راپۆرتا مەهانە یا تۆرا سووری یا مافێ مرۆڤان، كو چەكدارێن پەیەدێ چل و دوو كەس دناڤ وان دە سێ زارۆك و دوو ژن د مەها بۆری دە گرتنە، و دوو ژ وان گرتیان دبن ئشكەنجەیێ دە هاتنە كوشتن.


ژ ئالیێ خوەڤە كوالسیۆنا نشتیمانی یا ئۆپۆزسیۆنا سووریێ د جڤینا خوە یا بۆری دە هەموو كریارێن پەیەدێ شەرمەزاركرن و بانگا گرنگیا بجیكرنا جێگیریێ ل رۆژهلاتێ چەمێ فراتێ كر.


ل ناڤچەیێن دەرڤەی كوردستانا سووریێ مینا تەپقا رەقا منبج و دێرازۆرێ پەیەدێ ب هەزاران جوانێن كورد دانە شەهیدكرن، و نها ژی ل وان ناڤچەیان نەرازیبوون و خوەنیشاندان و تەقین و تەرۆركرن لدژی چەكدارێن سووریایا دیموقراتیك وپەیەدێ تێنە ئەنجامدان.

316