ئيتلافا نشتيماني يا ئۆپۆزيسيۆنا سووريێ : ئێريش و ئه‌نجامێن ل ده‌رعا و حۆرانێ روودانه‌ ئه‌نجاما بێده‌نگيا جڤاكا ناڤده‌ووله‌تيه‌

ArkNews :ئيتلافا نشتيمانيا سووريێ راگهاند كو ئێريش و ئه‌نجامێن ل ده‌رعا و حۆرانێ روودانه‌ ئه‌نجاما بێده‌نگيا جڤاكا ناڤده‌ووله‌تيه‌

د داخويانيه‌كێ ده‌ ئيتلافا نشتيمانيا سووريێ ته‌كه‌ز كر كو ئه‌نجامێن ل ده‌رعا و حۆرانێ كو ژ نۆزده‌هێ مه‌ها بووري تا نها روودانه‌ و د ناڤ ده‌ كۆچبه‌ركرنا زێده‌تر ژ سێ سه‌د و پێنجيه هه‌زار كه‌سێ و هشتنا وان بێ جه و ئاليكاريێن مرۆڤي، نه‌ بتنێ ژ ئه‌ركێ رووسيێ يه‌ كو ب باله‌فرێن خوه‌ باشوورێ سووريێ بومبه‌باران دكه‌’ ئانگۆ ئيرانا ورێژێم كو مليسێن خوه‌ به‌لاڤكرنه‌ و گه‌ندةلي و كوشتنێ دكن’‌ لێ ئه‌ركێ جڤاكا ناڤده‌ووله‌تيه‌ ..

ئيتلافا سوورۆي ئاماژه‌كر كو جڤاكا ناڤده‌ووله‌تي ده‌ربارێ بنپێكرنا بريارێن خوه‌ وه‌ك بريارا بيست وددو پێنجي و چار كو بنگه‌ها پرۆسه‌يا دانوستاندنێ يه‌ و داخوازا راوه‌ستاندنا شه‌ر و ڤه‌گه‌راكۆچبه‌ر و په‌نابه‌ران دكه‌ بێ ده‌نگ مايه‌ هه‌ر وه‌ها وه‌لاتێن گارانتيدار و وه‌لاتێن بناڤێ هه‌ڤالێن مله‌تێ سووريێ خوه‌ ژ به‌رپرسايه‌تيێن خوه‌ دانه‌ پاش
ئيتلافا سوري د داخويانيا خوه‌ ده‌ گۆت كو ئه‌ڤ ئێريشا ل سه‌ر ده‌رعا به‌رده‌واميه‌كه‌ بۆ تێكبرنا شۆره‌شا سووريێ و نموونه‌يا غووتايه‌ و داخواز ژ هه‌موو پێكهاته‌يێن سووريێ كر كو بهه‌ڤره‌ كاربكن داكو شۆره‌شا خوه‌ و ياسا و سازيێن وێ ببارێزن داكو شۆره‌ش به‌رده‌وام بكه‌ و سته‌مكار و داگيركه‌ران تێك ببن

596