قهسهدێ سوپاسيا هێزێن پێشمهرگه دكه
بهرپرسهكی چهكدارێن پهیهدێ وقهسهدێ ل كوردستانا سووریێ سپاسیا هێزێن پێشمهرگهیێن كوردستانێ ل سهر رولا وان د ژناڤبرنا تهرورێ ورێخستنا داعشێ ل كوردستانا سووریێ كر .
بهرپرسێ گشتی یێ چهكدارێن قهسهدێ كو چهكدارێن پهیهدێ بهشهكى سهرهكهنه تێده مهزلوم عهبدى د چالاكیا سهركهفتنێ ل دژی داعشێ و بئامهدهبونا ووهزیرێ دهرڤه یێ بهرێ یێ فهرهنسا بیرنار كوشنیر دیاركر كو پێشمهرگهیێن كو ژ ههرێما كوردستانێ هاتن كوبانێ ول تهنشتا برایێن خوه راوهستیان رولهك وان یا گرنگ د شهرێ تهرور وداعشێ ده ههبو .
عهبدی ههروهها دیاركر كو هێزێن ناڤدهولهتى ژی رولهك وان گرنگ ههبون د شهرێ داعشێ ده بتایبهت ههڤپهیمانیا ناڤدهولهتى وئهمهریكا كو خودان رولهك گرنگ بون د شهرێ تهروێ ده .
دهما كو چهكدارێن داعشێ ئیریشی باژارێ كوبانێ كرن د 2014ان ده سهروك مهسعود بارزانى بریار دا كو هێزێن پێشمهرگه ب ریا توركیێ وهرن شاندن ژ بو باژارێ كوبانێ ژ بو پاراستنا وی باژار وژناڤبرنا مهترسیا چهكدارێن داعشێ ل سهر وی باژاری .
هێزێن پێشمهرگه بهشداریهك بهێز د شهرێ داعشێ ده ل كوبانێ كرن ودكاریبون رولهك گرنگ بلیزن د رێزگاركرنا باژارێ كوبانێ ده كو بهریا كو هێزێن پێشمهرگه بگهێن باژارێ كوبانێ بتهنێ 15 ژ سهدی د بن دهستێ چهكدارێن پهیهدێ ده مابو لێ پشتره ئهو باژار هاته رزگاركرن وپێشمهرگهیهكی كوردستانێ ل سهر خاكا كوبانێ شههید كهت .
587
