جڤینەك سێ ئالی دەربارێ پرسا پەنابەران وێ وەرە ئەنجام دان
ارك نیوز .. ژێدەرێن دبلوماسی یین ئۆردنێ راگهاندن كو بریارە د داویا نیسانێ دە ل عەمانا پایتەختا ئۆردنێ جڤینەك سێ ئالی ناڤبەرا ئۆردن و روسیا و ئەمەریكایی دە وەرە ئەنجامدان ئەوژی داكۆ پرسا كامپا ئەلركبان یا پەنابەرێن سوریی وەرە گۆتووبێژ كرن .
ژبۆ گەنگەشەكرنا رەوشا سوریی بگشتی و مژارا ڤەگەرا پونابەرێن سوریی ژبۆ سەر مال وملكێن خوە وەزیرێ دەرڤە یێ روسیێ دۆه گەهەشت ئۆردنێ و گونگرەك رۆژنەمەڤانی هەڤبەش ناڤبەرا وەزیرێ دەرڤە یی ئۆردنێ ایمن السفدی و وەزیرێ دەرڤە یی روسیا سێرگی لافرۆف هاتە ئەنجام دان .
د وی گونگری رۆژنەمەڤانی دە هەردوو وەزیران بحسا هەژمارەك بابەتێن گرنگ دەربای رەوشا سوریێ بگشتی و پرسا پەنابەران بتایبەتی كرن .
كو ژ ئالیێ خوەڤە لافرۆف جارەكە دن هەلوێستا وەلاتێ خوە دەرباری رەوشا سوریێ نوو كر وگۆت چارەسەریا تەكانە ژبۆ سوریی چارەسەریا سیاسی یە .
دەرباری پرسا پەنابەرێن سوریێ یێن كو ل وەلاتێ ئۆردنێ دمینن وبتایبەتی یین كو ل كامپا ئەلركبان دژین وەزیرێ دەرڤە یێ روسیێ داخوازا دابینكرنا ڤەگەرا پەنابەرێن سوریێ ژ كامپا ئەلركبان بۆ سوریێ كر و تەكەز ژی كر كو وەلاتێ وی بەردەوام پشتەڤانیا رێژیما ئەسەد دكە ب ئارمانجا دروستكرنا سەقایەكە گونجاو ژبۆ ڤەگەرا پەنابەرێن سوریێ ژبۆ وەلاتێ خوە .
ژ ئالیێ خوە ڤە ژی وەزیرێ دەرڤە یێ ئوردنێ تەكەزی لسەر هەماهەنگی و هەڤكاریا بەردەوام و یا بباندۆر ناڤبەرا ئوردن و روسیێ دەرباری دۆسەیا سوریێ كر و هەلوێستا وەلاتێ خوە دەرباری ڤەگەرا پەنابەرێن سوریێ ژبۆ سەر مال و ملكێن خوە دا دیاركرن و گۆت كو چارەسەریا هەری گونجاو ژ پەنابەرێن سوری رە یێن كو لكامپا ئەلركبان دمینن ئەوە ڤەگەرا وان د زوترین دەم دە ژبۆ وەلاتێ وانە .
د داویێ دە ئەیمن ئەلسەفەدی گۆت ئەلركبان پرسەكە سوریێ ژبەر كو ئەو كامپ لسەر سینۆرێ سوریێ یە و پەنابەرێن دناڤا وێ كامپێ دە وەلاتیین سوری نە .
368
