د ئەنجاما ئێریشێن رێژیمێ لباژارێ ئدلبێ 244 سڤیل هاتن كوشتن

ارك نیوز .. تیما هەڤرێزكارێن بەرسڤ دانێ لباكورێ سوریێ كوشتنا دووسەد وچل وچار سڤیلی د هەیاما دوو هەمان دە لپارێزگەها ئدلبێ و هەردوو گوندێن حما وحلب د ئەنجاما ئێریشێن رێژیما ئەسەد لسەر دەڤەرێ بەلگە كر .

تیما هەڤرێزكارێن بەرسڤدانێ راپۆرتەك بەلاڤ كر و تێدە بەردەوامیا ئێریشكرنا رێژیما ئەسەد یێن هۆڤانە ب پشتەڤانیا روسیا لباكورێ سوریێ ئەشكەرە كر و سەربار كر كو رێژیما ئەسەد ژ دووێ سباتا بووری دەست ب ئۆپەراسیۆنا خوە یا لەشكەری لسەر پارێزگەها ئدلبێ و گوندەوارێ وێ كریە و تا نها ئەڤ ئۆپەراسیۆن بەردەوامە .

و ئەشكەرە كر كو د ئەنجاما وێ ئۆپەراسیۆنا لەشكەری یا رێژیمێ و هەڤالبەنێن وێ لسەر هەژمارەك باژار و باژارۆكان لباكورێ سوریێ هەژمارا كوشتیان گهشتیە دووسەد و چل و چار كوشتیی كو سەد و نۆت وپێنج سڤیل لباژارێ ئدلبێ هاتنە كوشتن و چل قربانی ل باژارێ حەمایێ و حەفت ل حەلەبێ و دوو لپارێزگەها لازقیێ و سەربار كر كو هەژمارا قربانیان رۆژ ب رۆژ زێدەتر دبە ژبەر بەردەوامیا ئەنجمدانا ئێریشێن رێژیمێ لسەر هەمان دەڤەران .

هەروەها تیما هەڤرێزكارێن بەرسڤ دانێ ژیان ژ دەستدانا چل و پێنج كەسێن دن دناڤ واندە چاردە زارۆك هوبوون د هەیاما حەفیا بووری دە تۆمار كریە .

هەمان راپۆرتی ئەشكەرە كر كو ژبلی كوشتن وبرینداربوونا وەلاتیێن سڤیل د ئەنجاما وان ئێریشێن هۆڤانە دە یێن رێژیمێ ب هەزاران وەلاتیێن سڤیل دەربەدەربوونە كو بێهتری 25 هەزار و776 مالبات ئانگۆ (160583) كەس مالێن خوە ب جه هشتنە و بەرێ خوە دانە دەرێن دن .

تیما ناڤبورری د راپۆرتا خوە دە گۆت ژی كو ئارمانجا رێژیما ئەسەد یا سەرەكە ژ ڤێ ئۆپەراسیۆنا لەشكەری ئەوە درووستكرنا پێلەكە دەربەدەریێ و گوهەتنا دیمغرافیا دەڤەرێ یە .

ئەڤە بێهتری دوو مەهایە وباژارێ ئدلبێ و گوندەوارێ وێ بتایبەتی دەڤەرا بێ چەك راستی ئێریشێن تووند ژ ئالیێ رێژیما ئەسەد ڤە تێ تەڤی هەبوونا رێكەفتنا سوتشی یاكو ناڤبەرا روسیا و توركیی دە هاتیە ئمزەكرن دەربارێ وێ دەڤەرێ كو د ئەنجامێ دە رۆژانە قربانی دكەڤن و زیانێن مادی مەزن وو ددن .

458