لاڤرۆف و ئەلسەفەدی رەوشا سوریێ كۆتووبێژ كرن

ارك نیوز .. لژێر گەرەكێ ژبۆ رۆژهەلاتا ناڤین وەزیرێ دەرڤە یێ روسیا سێرگێ لاڤرۆف سەرەدانا هەژمارەك وەلاتێن عەربی كر و هەژمارەك هەڤدیتن لگەل سەرۆكێن وان وەلاتان و هن بەرپرسیاران كر .

د سەرەدانا خوە دە ژبۆ رۆژهەلاتا ناڤین وەزیرێ دەرڤە یێ روسیێ دۆه شەمیێ گهشتە قاهیرایێ پایتەختا مسرێ و ب عبد الفتاح السیسی سەرۆكێ مسرێ رە جڤیا د وێ جڤینێ دە هەردوو ئالیان بەحسا داوین پێشهاتەیێن سوریێ كرن وهن مژارێن دن یێن گرێدایێ ب ناڤچەیێ بگشتی.

بەردەڤكێ فەرمی یێ سەرۆكاتیا مسرێ بسام الرادی راگهاند كو عبجد الفتاح السیسی سەرۆكێ لگەل هەڤشانێ خوە یێ روسی سێرگی لافرۆف بەردەوامیا كار و هەماهەنگیا ناڤبەرا مسر و روسیێ دە ژبۆ دیتنا چارەسەریەكێ ژ كرێزا سورێی رە د زوترین دە كریە .. و مژارا رێگریكرنێ لپێش دەرباسبوونا تەرۆریستان ژ سوریێ بۆ ناڤ خاكا مسرێ گەنگەشە كر .

هەر دڤێ دەربارێ دە مالپەرا رووسیا توودێ بەلاڤ كر كو بشتی بداویهاتنا هەدیتنا لاڤرۆف ب سەرۆكێ مسرێ وبەرپرسیارێن وی وەلاتی و گەنگەشەكرنا پرسا سوریێ و چاوانیا دیتنا چارەسەریەكێ ژ كریزا سوریێ رە ، ئیرۆ لافرۆف گهشتە ئوردنێ و گونگرەك رۆژنەمەڤانی هەڤبەش ناڤبەرا وەزیرێ دەرڤە یێ روسیێ سێرگی لاڤرۆف و وەزیرێ دەرڤە یێ ئوردنی ئەیمن ئەلسەفەدی هاتە ئەنجام دان .

د وی گونگری رۆژنەمەڤانی دە هەردوو وەزیران بحسا هەژمارەك بابەتێن گرنگ دەربایر ناڤچەیێ بگشتی و پرسا سورێی بتایبەتی كرن .

كو ژ ئالیێ خوەڤە لافرۆف جاردن هەلوێستا وەلاتێ خوە نوو وگۆت كو تەنێ ب ریێا چارەسەریا سیاسی لگۆری بریارێن ناڤدەولتی كریزا سوریێ چارەسەر دبە .

دەرباری پرسا پەنابەرێن سوریێ یێن كو ل وەلاتێ ئۆردنێ دمینن وبتایبەتی یین كو ل كامپا ئەلركبان دژین وەزیرێ دەرڤە یێ روسیێ داخوازا دابینكرنا ڤەگەرا پەنابەرێن سوریێ ژ كامپا ئەلركبان بۆ سوریێ كر و تەكەز ژی كر كو وەلاتێ وی بەردەوام پشتەڤانیا رێژیما ئەسەد دكە ب ئارمانجا دروستكرنا سەقایەكە گونجاو ژبۆ ڤەگەرا پەنابەرێن سوریێ ژبۆ وەلاتێ خوە .

ژ ئالیێ خوە ڤە ژی وەزیرێ دەرڤە یێ ئوردنێ تەكەزی لسەر هەماهەنگی و هەڤكاریا بەردەوام و یا بباندۆر ناڤبەرا ئوردن و روسیێ دەرباری دۆسەیا سوریێ كر و هەلوێستا وەلاتێ خوە دەرباری ڤەگەرا پەنابەرێن سوریێ ژبۆ سەر مال و ملكێن خوە دا دیاركرن و گۆت كو چارەسەریا هەری گونجاو ژ پەنابەرێن سوری رە یێن كو لكامپا ئەلركبان دمینن ئەوە ڤەگەرا وان د زوترین دەم دە ژبۆ وەلاتێ وانە .

د داویێ دە ئەیمن ئەلسەفەدی گۆت ئەلركبان پرسەكە سوریێ ژبەر كو ئەو كامپ لسەر سینۆرێ سوریێ یە و پەنابەرێن دناڤا وێ كامپێ دە وەلاتیین سوری نە .

597