2 حەفتەنە جوانەكی قامشلۆ وندایی یە
دەردۆرا دوو حەفتەیانە جوانەكی كورد خەلكێ باژارێ قامشلۆ یێ رۆژئاڤایێ كوردستانێ ووندایی یە و چارەنڤیسا وی نەهاتیە ناسكرن.
رۆژا بیست وچارێ ئادارا بۆری ڤە جوانێ بناڤێ كەدەر جومعا ل باژارێ قامشلۆ وندابوویە و توو نووچە لسەر نەهاتنە زانین وتا نها بێسەرووشوونە.
كدر جمعە كورێ ئەنداما سەركردایەتیا یەكیتیا ژنێن كوردستانا سووریێ ، ئاریا جمعە یە وخوەندەكارێ كۆلیژا ئەندازیارییا پەترۆلێ یە، و ژ ئالیێ هەر یەك ژ رێژیم و پەیەدێ ڤە ژبۆ لەشكەریا وان یا نەچاری هاتیە پاشخستن.
دیا كەدەر، ئاریا جومەعە د بەشداریەكە خوە د بولتەنا ئاركێ دە بانگا ئەشكەرەكرنا چارەنڤیسا كورێ خوە كر.
وندابوونا كەدەر جومعا خەلەكەك ژ زنجیەكە رەڤاندن و ندابوونا سیاسەتمەدار وچالاكڤان و وەلاتیێن سڤیل و جوانێن كورد ل ناڤچەیێن رۆژئاڤایێ كوردستانێ یە، و هەڤدەمی وێ یەكێ تێ كو ل ناڤا باژارێ قامشلۆ كو كەدەر لێ وندابوویە ب دەهان رێبەندێن پەیەدێ و رێژیما ئەسەد هەنە، و تا نها نە رێژیم و نەژی پەیەدێ ئعتراف ب رەڤاندنا كەدەر نەكرنە، بەریا نها ژی پەیەدێ و رێژیم ب گرتن و رەڤاندنا هن كەسان ئعتراف نەكرنە و پشتر هاتیە دیاركرن كو ئەو كەس د زیندانێن وان دەنە.
500
