نتنیاهۆ و پۆتین پرسا سوریێ ب هوورگلی گۆتووبێژ كرن

ارك نیوز .. دۆه پێنجشەمێ بنیامین نتنیاهۆ سەرۆك وەزیرێن ئسرائیلێ گهشت موسكۆیێ پایتەختا روسیا و لگەل فلادیمێر پۆتین سەرۆكێ روسیێ رە جڤیا وتێدە هەژمارەك بابەتێن گرنگ دەرباری سوریێ و هەماهەنگیا ناڤبەرا هەردوو وەلاتان دە گەنگەشەكرن .

كرێملێنا روسی راگهاند كو فلادیمێر پۆتین سەرۆكێ روسیێ و بنیامین نتنیاهۆ سەرۆك وەزیرێن ئسرائیلێ دۆه هەڤدیتنەك پێك ئانین و د وێ هەدیتنێ دە هەردوو ئالیان داوین پێشهاتەیێن رەوشا سوریێ وهن بابەتێن دن گۆتووبێژ كرن بێ كو توو پلانەك كاغەزی دڤێ دەربارێ دە وەرە پێشكێش كرن .

پشتی بداوی هاتنا وێ هەڤدیتنێ یوری ئۆشاكۆف ئالیكارێ سەرۆكێ روسیێ كونگرەك رۆژنەمەڤانی لدارخست و تێدە راگهاند كو پرسا سوریێ ب هوورگولی و شیوەیەكی وورد ژ هەموو ئالیان دە هاتە گەنگەشەكرن .

ئالیكارێ سەرۆكێ روسیا گۆت ژی سەرۆك وەزیرێن ئسرائیلێ توو دەستپێشخەری دەرباری رەوشا سوریێ پێشكێشی پۆتین نەكر ، و ئەڤ مژار نەهات كۆووبێژ كرن .

بەریا كو سەرۆك وەزیرێن ئسرائیلێ بەرێ خوە بدە موسكۆ گۆت كو ئەو بنیازە لگەل سەرۆكێ روسیێ هەموو بویەرێن گرێدایێ ب رەوشا سوریێ و هەماهەنگیا بەردەوام و یا تایبەت ناڤبەرا ئارتێشێن هەردوو وەلاتان دە هەروەها هن بابەتێن دن یێن گرێدایێ ب ئسرائیل ڤە گفتوگۆ بكە .

د بیست و حەفتێ مەها بووری دە ژی نتنیاهۆ هەڤدیتنەك لگەل پۆتین پێك ئانیبوو پشتی ڤێ سەرەدانێ مەدیایێن ئسرائیلی هن راپۆت بەلاڤ كرن وتێدە راگهاندن كو نتنیاهۆ پلانەك كاغەزی كو ژ هەژمارەك پرەنسیب دەرباری چارەسەركرنا كریزا سوریێ و دەركرنا هێزێن ئیرانی ژ سوریێ رادەستی پۆتین و سەرۆكێ ئەمەریكا دۆنالد ترامپ كربوو .

لێ كرێملێنا روسی ژ ئالێی خوەڤە تەكەز كر كو د وێ هەڤدیتنا ناڤبەرا پۆتین و نتنیاهۆ دە توو پلان یان ژی پێشنیار دەرباری سوریێ ژ ئالیێ سەرۆك وەزیرێن ئسرائیلێ ڤە نەهاتیە پێشكێشكرن و ئەڤ مژار نەهات گەنگەشەكرن .

303