ئەنجامدانا ئیریشێن كیماوی لسوریێ

ارك نیوز .. كۆمیتەیەك بسەر نەتەوێن یەكگرتی یا مافێ مرۆڤان راپۆرتەك بەلاڤ كر و تێدە هەژمارك ئێریشێن كیماوی یێن كو ل تەڤایا باژار وباژارۆكێن سوریێ هاتنە ئەنجامدان لسەر دەستێ رێژیما سوریێ وگروپنە نەناس ڤە ئەشكەرە دكە .

كۆمیتەیا نەتەوێن یەكگرتی یا بسەر ئەنجومەنا مافێ مرۆڤان یا تایبەت دەرباری سوریی د مەها ئادارێ دە راپۆرتەك بەلاڤ كر و ب بەلگە پێكئانینا سیه و حەفت ئێریشێن كیماوی ژ دەسپێكا كریزا سوریێ و تا نها لتەڤایا لسوریی ددە دیاركرن چ لسەر دەستێ رێژیما ئەسەد بە یان ژی ژ ئالیێ گروپنە نەناس بە .

هەر لگۆری راپۆرتا نەتەوێن یەكگرتی یا مافێ مرۆڤان دەرباری سوریێ ئەشكەرە كریە كو ل هەژمارەك باژار و باژارۆكێن سوریێ لسەر دەستێ ئالینە نەناس ڤە پێنج ئێریشێن كیماوی هاتنە ئەنجام دان كو د نۆزدەهێ ئادارا دووهەزار وسێزدەهان دە ئالیێن نەناس لباژارێ خان ئەلعسل و العتیبە ئێریشەك كیماوی پێك ئانی د ئەنجامێ دە هەژمارەك وەلاتیێن سڤیل دناڤبەرا كوشتی و برینداران دە روو دا.

د سێزدەهێ نیسانا سالا دوو هەزار و سێزدەهان دە گروپێن نەناس لتاخا شیخ مەقسود ل باژارێ حەلەبێ پێك ئانی .

هەروەها لباژارێ سەراقب ژی د بیست و نەهی مەها نیسانێ سالا دووهەزار وسێزدەهان دە ئێریشەك كیماوی ئەنجام دان د ئەنجاما وێ ئێریشا كیماوی دە هەژژمارەك سڤیل بوونە قربانی .

هەر لگۆری هەمان راپۆرتا نەتەوێن یەكگرتی ئەشكەرە كریە كو لغوتا رۆژهەلات لگوندەوارێ شاما پایتەخت ژی ئێریشێن كیماوی بگازا سارین هاتن روودان كو د ئەنجاما وان ئیریشان دە هەژمارەك مەزن ژ خەلكێن وێ دەڤەرێ هاتن كوشتن سەرباری روودانا زیانێن مادی مەزن .
هەمان كۆمیتەیێ د راپۆرتا خوە دە ئەشكەرە كریە كورێژیما ئەسەد ژ ئالیێ خوەڤە سیه و دوو ئێریشێن كیماوی ژ دەسپێكا كریزا سوریی ڤە و تا وەكە نها سیه و دوو ئێریشێن كیماوی لتەڤایا سوریێ پێك ئانیە كو د ئەنجاما وان ئێریشان دە زیانێن جانی و مادی مەزن لسەر مال و ملكێن وەلاتیێن سڤیل دە روو دانە ئەوژی ئەڤن :

ل كفرزیتا د شازدەهێ نیسانا دووهەزار و چاردەهان دە ئێریشەك كیماوی ئەنجام دا هەروەها رێژیمێ د هیزدەهێ نیسانا هەمان سالێ دە ل باژارۆكێ تمانعە و كفرزیتا دوو ئێریشێن كیماوی پێك ئانین د ئەنجامێ دە هەژمارەك مەزن ژ سڤیلان بوونە قربانی هەروەها ل باژارۆكێ تل نمس ژی د بیست و یەكێ نیسانا دووهەزار وچاردەهان دە ئێریشەكە دن ئەنجام دا.

ل باژارێ حەلەبێ ژی بتایبەتی لتاخا شێخ مەقسود رێژیما ئەسەد د پێنجێ نیسانا سالا دووهەزار وشازدەهان دە ئێریشە كیماوی پێك ئانی هەروەها چاركە دن د سالا دووهەزار وچاردەهان دە ئێریشەكە دن لباژارێ تەمانعە پێك ئانی .

د تەباخا دوهەزار و شازدەهان دە رێژیما ئەسەد ب گازا كلۆرێ یا ژەحراوی باژارێ سەراقب لبارێزگەها ئدلبێ بومبەباران كر كو د ئەنجامێ دە بیست و هەشت سڤیل راستی بهن تەنگبوونی هاتن دناڤ واندە دەه زارۆك و پێنج ژن هەبوون .

د شەشێ ئەیلوونا دووهەزار وشازدەهان دە ب بمبەیێن كلۆرێ یین دەست چێكری چەكدارێن رێژیما ئەسەد تاخا ئەلسكری تۆپباران كر د ئەنجامێ وێ ئێریشێ دە زارۆكەكە سێزدەسالی هاتە كوشتن و هەشتێ كەسێن دن بریندار بوون .

ریژیما سوریێ د یەكێ جۆتمەها دووهەزار و شازدەهان دە نەخوشخانەیا الساخور ل رۆژهەلاتی باژارێ حەلەبێ بگازا كلۆرا چەحراوی بومبەباران كر .

هەمان راپۆرتێ دیار كر كو ل هەر یەك ل دەڤەرا الكلاسە و بستان القەسر وتاخا ئەلفەردۆس د رێكەفتا هەیشتێ كانونا پێشین دە سالا دووهەزار وشازدەهان دە سێ ئیریشێن كیماوی پێك ئانین هەروەها د نەهێ كانونا پێشین دە دووهەزار وشازدەهان دە تاخا الكلاسە راستی ئێریشەك كیماوی هات كو د ئەنجامێ دە هەژمارەك سڤیل بوون قربانیا وێ ئێریشا كیماوی و د دەهێ هەمان هەیڤێ دە رێژیما نەخوەشخانەی ئەلحەیاە ب رێیا دوو بوبەیێن كیماوی دە بومبەباران كر .

د سالا دووهەزار و حڤدەهان دە ژی گوندێ بسیمە هاتە ئێریش كرن ب گازا كلۆرا ژەحراوی كو د ئەنجامێ دە بكێمانی پێنج سڤیل بوونە قربانی .

كۆمیتەیا نەتەۆێن یكگرتی یا مافێ مرۆڤان د وێ راپۆرتا خوە دە دا دیاركرن كو چەكدارێن رێژیما ئەسەد د داویا چلەیا دووهەزار و حڤدەهان دە دەڤەرا مەرج السلتان ئێریشەك كیماوی ئەنجام دا و د بیست وپێنجێ ئادارا دووهەزار و حڤدەهان دە نەخوەشخانەیا اللتامنە ب بومبەیەكە كلۆرێ ئارمانج كر هەروسا د بیست و نەهێ هەمان سالێ دە شارەداریا قابوون كرە ئامانج د ئەنجامێ وێ ئێریشێ دە سیه وپێنج كەس برینداربوون دناڤ وان دە ژن و زارۆك ژی هەبوون .

و د داویا ئادارا دووهەزار و حڤدەهان دە گوندێ اللتامنە و گوندێ خان شیخون لسەر دەستێ چەكدارێن رێژیمێ ڤە هاتن ئەنجام دان بگازا كلۆرێ .

هەمان راپۆرتێ سەربار كر ژی كو د حیژدەهێ مژدارا دووهەزار و حڤدەهان دە بەرەیا حرستا راستی ئێریشەكە كیماوی هات د ئەنجاما وێ ئێریشا كیماوی دە بیست و پێنج كەس برینداربوون .

لگوندەوارێ شامێ ژی بتایبەتی لباژارێ دووما رێژیمێ د بیست و ددێ چلەیا دووهەزاروهیژدەهان دە زنجیرەك ئێریشێن بەژایی پێك ئانین و د سەرێ سباتا دووخەزار و هیژدەهان دە ژارەكە دن رێژیما ئەسەد باژارێ دووما هەژمارەك ئێریشێن بەژەیی ئەنجام دان كو د ئەنجاما وان ئێریشان دە هەژمارەك وەلاتیێن سڤیل بوونە قربانی ... ئێریشا هەری داوی ژی لباژارێ سەراقب لبارێزگەها ئدلبێ ژ ئالیێ رێژیمێ ڤە هاتە ئەنجام دان ئەوژی د چاردەهێ سباتا دووهەزار و هیژدەهان بوو .

475