ئيرو هلبژارتنێن توركيێ تێنه لدارخستن
ئیرو هلبژارتنێن رێڤه‌به‌ریێن خوجه‌هی ل باكورێ كوردستانێ وتوركیێ ده‌ست پێ كر ب به‌شداریا 12 پارتیێن سه‌ره‌كه ل توركیێ .
ل گوری ئاژانسا الئه‌نادول یا توركی كو بریاره 57 ملیون كه‌س به‌شداریێ د ڤان هلبژارتنان ده بكه ل 81 ویلایه‌تێن توركیێ كو 194 هه‌زار و 390 صندوقێن ده‌نگدانێ هاتنه ئامه‌ه‌د كرن ل وان ویلایه‌تان .
ل گوری زانیاریێن ئاركێ كو هلبژارتن ئیرو ده‌مژمێر حه‌فتێ سبه‌هێ ل 32 باژارێن كوردستانا توركیێ ده‌ست پێ كر وبریاره هه‌تا چارێ عه‌سرێ ب ده‌ما توركیێ به‌رده‌وام بكه .
د ڤان هلبژارتنان ده 12 پارتیێن توركیێ به‌شداری د هلبژارتنان ده دكن ژ وان ژی پارتیا ئه‌كه‌پێ وپارتیا گه‌لێ كوماری وپارتیا هه‌ده‌پێ وبزاڤا نه‌ته‌وی وهژماره‌ك پارتیێن دن .
ئه‌ڤ تێ هه‌ڤده‌می گوتنێن سه‌روكێ توركی ره‌جه‌ب ته‌یب ئه‌ردوگان كو ئه‌وێ كریزا سووریێ چاره‌سه‌ر بكن پشتی بداوی هاتنا هلبژارتنێن خوجه‌هی ب دانوستاندنێ یان ژی ب شه‌ر ومه‌يدانێ .
ئه‌ردوگان هه‌روه‌ها دیاركر كو پشتی بداوی هاتنا هلبژارتنان ئه‌وێ گرنگیێ بدن كریزا سوریێ هه‌تا چاره‌سه‌ر بكن یان ب ریا دیالوك ودانوستاندنێ یان ژی ب ریا له‌شكه‌ری .
654
