ئاكار تهكهزيێ ل سهر گرنگيا دهرخستنا پهيهدێ ژ روژهلاتێ چهمێ فهراتێ دكه
وهزیرێ بهرهڤانیا توركیێ راگهاند كو ههبونا پهكهكێ وپهیهدێ ل روژهلاتێ چهمێ فهراتێ مهترسیه ل سهر توركیێ وتهكهز كر كو پیویسته ههبونا وان ل وێ دهڤهرێ وهره ژناڤ برن .
وهزیرێ بهرهڤانیا توركیێ خهلوسی ئاكار د جڤینهكێ ده ل گهل بهرپرسێن ئارتێشا توركیێ ل سهر سینورێ خوه ب سووریێ ره راگهاند كو ئهو تو جاران قهبول ناكن كو پهیهدێ ویهپهگێ ل سهر سینورێ وان بمینن وئهشكهره كر كو ئهوێ تهدابیرن پیویست بستینن .
خهلوسی ئاكار ههروهها ئهشكهره كر كو ئهو لهێڤیا وێ یهكێ نه كو ئالیێن بهپرسن كو پابهندیێ ب سوزێن خوه بكن دهربارێ روژهلاتێ چهمێ فهراتێ ومنبجێ د زوترین دهم ده ژ بهر كو وان گهلهك جاران ژ ههفشانێن خوه ره گوتبون كو ئهو ههبونا وان چهكداران ل سهر سینورێ خوه قهبول ناكن ونابه ببن دهستهلاتهك فهرز كری ل روژهلاتێ چهمێ فهراتێ .
ئاكار تهكهز كر كو پیویسته ههبونا وان وهره ژناڤبرن ژ بهر كو ئهو گهفێ ل توركیێ دخون وئهولههیا وان د مهترسیێ ده یه لهوما ئهو ههول ددن كو دهڤهرهك ئارام ل باكورێ سووریێ ئاڤا بكن ب كوربونا 30-40 كیلو متری .
ئاكار سهرباركر وگوت كو ئهو ههول ددن كو ئهو دهڤهر دبن كونترولا وان ده ژ بو پاراستنا ئهولههیێ ههروهها داكو ببه ریهك ژ بو ڤهگهرا پهنابهرێن سووریێ ژ بو مالێن خوه ل گوری ئاكار .
542
