ب ده‌هان ژ چه‌كدارێن عمشات ژ عه‌فرین ده‌ركه‌ت
آرك نيوز .. ل عه‌فرینا رۆژئاڤایێ كوردستانێ ب ده‌هان ژ چه‌كدارێن سلتان مراد شاه كو ب ناڤێ عمشات تێنه ناسكرن ژ هه‌رێمی ده‌ركه‌ت وبه‌رێ خوه دان رۆژهه‌لاتێ حه‌له‌بێ هه‌رێمێن دبن ده‌ست چه‌كدارێن مه‌رتالا فراتێ ده .
ژێده‌ره‌كه تایبه‌ت ژ ناڤ عه‌فرینێ ژ ئاركێ ره راگهاند كو 22 مه‌ها ئادارێ 2019ان ب ده‌هان ژ چه‌كدارێن عمشات ب چه‌ك و ته‌قه‌مه‌نیێن خوه كو هژمارا ئۆتۆمبێلێن وان ده‌ردۆرا 15 تۆتۆمبێلێ بوون ژ ناڤچه‌یا شیێ ده‌ركه‌ت وبه‌رێ خوه دان هه‌رێمێن دبن كونترولا چه‌كدارێن مه‌رتالا فراتێ ده .
ل گۆر هه‌مان ژێده‌را كو نه‌خوست ناڤێ وی وه‌ره ئه‌شكه‌ره‌كرن كو تێ گۆمان كرن كو ئه‌و گرووپ به‌رێ خوه دايه باژارێ بابێ كو د هه‌مان ده‌مێ كو ره‌وشا ئامه‌ده‌باشیێ ل وێ ده‌رێ هاتیه راگهاندن .
ل ئالییه‌كی دن ل ناڤه‌ندا باژارێ عه‌فرینێ د هه‌مان رۆژا چه‌ژنا نه‌ورۆزێ ده عه‌ربێن غووته‌یا رۆژهلات یێ كو ل عه‌فرینێ هاتنه بجهكرن خوه‌پێشانده‌كه لدارخست تێده بانگ ل گرووپێن چه‌كدار یێن ل عه‌فرینێ كر كو ب هاوارا برایێن وان ل گوندێ باغۆزێ ل دێره زورێ بچن .
ل گۆر كه‌سێن كو د خوه‌پێشاندانێ ده دئاخڤن كو ل وێ ده‌رێ رۆژانه مرۆڤ تێنه كوشتن ودڤێ ب هاوارا وان ڤه بچن كو ئه‌و گوند داویترین بارگه‌ه داعشا ته‌رۆره بوو .
ژ به‌ر ناكۆكیێن ل سه‌ر پارڤه‌كرنا به‌رهه‌مێن دزییا مال وملكێن وه‌لاتییان هه‌رده‌م شه‌ر و په‌ڤچوون ناڤبه‌را گرووپێن چه‌كدار ده ده‌ردكه‌ڤن د ده‌ما داویێ ده ناكۆكی د ناڤبه‌را دوو گروپێن چه‌كدار ل هه‌رێمێن مه‌رتالا فراتێ ده‌ركه‌ت و ئه‌گه‌ر هه‌یه گروپێن چه‌كدار یێن عمشات ژ ناڤچه‌یا شیێ ب هاوار گروپه‌كه ئالیگرێ وان ڤه چوو بن .
ش.ع
554
