ئەنجوومانا خوەجهی یا ئەنەكەسێ یا عەفرینێ داخویانیەك بەلاڤ كر

دوه(17.3.2019)، داخویانیەك ژ ئەنجوومانا خوەجهی یا عەفرینێ یا ئەنجوومانا نشتیمانیا كوردی ل سووریێ دەربارێ سالڤەگەرا عەفرینێ دە داخویانیەك بەلاڤ كر.

داخویانیا ئەنەكەسێ یا عەفرینێ وها دەست پێكرییە، ئەی جەماوەری خوەراگرێ كورد، بێ گۆمان ووەكو تێ زانین، هەیڤا ئادارێ جووداهیەك وێ هەیە وتایبەتمەندییەكە وی دگەل خەلكێ كوردستانێ هەیە، وبدرێژاهییا دیرۆكا كەڤن ونووه ڤە ، مەها ئادارێ داگرتییە ژ بوویەر و بۆنەیێن نەتەوەیی ونشتیمانی ، یێن كەیف وخوەشی و نەخوەشی وئازاركێش ، و د هەمی رەوشێ دە، مەها ئادارێ بوویە بەشك ژ سایكۆلوجییا مە و هیڤی وئۆمید ونووە كرنێ د رامانێن مە دە دچینە.

هەروها د دخوایانیا خوەجەهییا ئەنەكەسێ ل عەفرینێ دە هاتیە، ئەو د هەرێما چیایێ عەفرینێ دە( چیایێ كورمێنج)دە، وەك هەمی خەلكێ كوردستانێ ل هەمی پارچەیێن كوردستانێ و د وەلاتێ كۆچبەریێ دە ژی، هەمی كار وچالاكی وبۆنەیێن نەتەوەی ونشتیمانی ڤەدژین و زندی دكن ل گۆر شیان وكارینێن مە .

لێ رەوش د ڤان چەند سالێن بۆری دە، زەحمەت بوویە و بتایبەتی ژی دگەل دەستپێكرنا ململانیێ د سووریێ دە، ول سەر سووریێ و شینوارێن وێ یێن نەرینی ، سێبەرا خوە ئاڤیتییە سەر رەوشا عەفرینێ ژی وكار و چالاكیێن وێ ژی.

رەوشێن كو عەفرین تێدە دەرباس بوویە و نها ژی تێدە دەرباس دبە، ژ دەستپێكا (20.1.2018)، دەما كو ئۆپەراسیۆنا توركێ و گرۆپێن چەكدار ل سەر عەفرینێ دەستپێكرییە، وبەردەوامییا وێ رەوشێ نهامەتەكی مرۆڤی د دەما نها و بێ دە ژی ددە نیشان دان، هێژی بنپێكرنێن جوداجودا بەردەوامن وهەروها پرۆژەیا گوهەرتنا دەمۆغرافی ، وژخوە رەوشا ئەولەهی ب ئاوایەكە مەترسیدار خرابە.

د داخویانییا خوەجهییا عەفرینێ دە هاتیە، مەترسیێن ئارمانجكرنا مال ومولكێن وەلاتییان و دوكانێن وان یێن بازرگانی و دزین و تالانكرنا وان د دەما ڤەژاندنا ئاهنگێ جەژنا نەورۆزێ دە هەیە، و هەروەها روودانا تەقین و چاندنا مایینا ل جهێ ڤەستیڤال وئاهنگ وكۆمبوونا خەلكێ ، مەترسینە رەوایین ودڤێ ل بەر چاڤ وەرن گرتن .

ئەم وەك ئەنجوومانا خوەجهی یا عەفرینێ یا ئەنجوومانا نشتیمانیا كوردی ل سووریێ، دەما كو ئەم دزانن رەوش وئاتمۆسفێر ژبۆ ڤەژاندنا وان بۆنەیان وتایبەتی ژی جەژنا نەتەوەی یا نەورۆزێ ، نەگونجاوە. وئەم وەك خوەجهییا ئەنەكەسێ ل عەفرینێ هەست ب بەرپرسیاریتیێ دكن ورەوشێ ل بەرچاڤ دگرن وئەم بانگ ل ئەندامین ئەنەكەسێ وپارتی وهەڤالبەند و رێخستنێن وێ ومێلدارێن وتەڤاهییا مللەتی كورد یێ خوە راگر و نها ل سەر خاكا عەفرینێ دژین دكن ، كو هەمی بۆنەیان ڤەژینن لێ هەریەك ب ئاوایەكە تایبەت ، وتایبەتی ژی جەژنا نەورۆزێ وتەنێ ئاگرێ وێ یێ كو سەمبۆلا رزگار بوونێ یە ژ زۆرداری و تەپەسەریێ ڤێخینن ، ورۆژا جەژنێ دەركەڤن ناڤ سروشتا عەفرینێ ئەو ژی ل گۆر رەوشا دەستبەر وگونجاو.

د داوییا داخویانییا خوەجهییا ئەنەكەسێ ل عەفرینێ دە هاتییە، ئەو بهیڤینە كو ئەو ژ ڤێ نهامەت و زەحمەتێ رزگار ببن و جارەكی دن رابن سەر خوە و هیڤیا پاراستنێ وئەولەهیێ و ئاشتیێ ژ تەڤاهییا مللەتی كورد ووەلاتیێن سووریێ رە دخوازن و هەرسال نەورۆزا وە پیرۆز بە.

ر.ع

324