ههڤپهيمانيا نشتمانى يا ئوپوزسيونا سووريێ بهحسا پێلهك دن يا پهنابهريێ دكه
سهروكێ ههڤپهیمانیا نشتمانى یا ئوپوزسیونا سووریێ یهكیتیا ئوروپی ئاگادار كر ژ ئهگهرا رودانا پێلهكه نو ژ كوچهبریێ ل پارێزگهها ئدلبێ ئهگهر رێژیما ئهسهد ومیلیسێن ب سهر ڤه ئیریشی دهڤهرێ كرن .
سهروكێ ههڤپهیمانیا نشتمانى یا ئوپوزسیونا سووریێ عبدالرحمن مستفى د ههڤدیتنهكێ ده ل گهل ئاژانسا ئهنادول یا توركى دیاركر شاندا ههڤپهیمانیێ بهشدار د كونگرێ بروكسل ده كر كو بهشداربویان سوز دان كو ههشت ملیار یورو وهكو ئالیكاری ژ پهنابهر ودهربهدهرێن سووریێ ره پێشكێش بكن لێ پیویسته ئهو ئالیكاری نهگهێن دهستێ رێژیما سووریێ .
مستفى تهكهزى ل سهر پیویستیا شهرمهزاركرنا ئیریشێن رێژیمێ ل سهر ئدلب وگوندهوارێ وی وگوندهوارێ حهما كو وان د جڤینێن خوه ده داخواز ژ جڤاكا ناڤدهولهتى كرن كو ههمى تهدابیرین پیویست ژ بو رێگرى ل رودانا كارساتهك مروڤی ل ئدلبێ بگرن كوب گوتنا وى ئهگهر ههیه كو ب ههزاران سڤیل پهنابهری توركیا ویهكیتیا ئوروپایێ ببن ئهگهر ئیریش ل سهر ئدلبێ هات پێكئانین.
مستفى مهترسیا خوه ژ چالاكیێن ئیرانى ل سووریێ دیاركر كو بگوتنا وی چالاكیێن كو ئیران ل سووریێ دكه گهلهك مهترسیداره ژ بهر كو ئهو كانیهك تهرورێ یه د دهڤهرێ ده .
مستفى ههروهها رهخنه ل ڤهكشاندنا ئهمریكى ژ سووریێ كر كو بنهرینا وى ئهڤ بریار نه د جهێ خوه ده یه ژ بهر كه ئهگهر ههیه چهكدارێن رێژیما سووریێ ومیلیسێن ئیرانى جهێ وان هێزێن ئهمریكى ل سووریێ بگرن .
367