پێدەرسۆن : سووریا د رەوشەكە هەستیار ومەترسیدار رە دەرباس دبە

آرك نيوز...شاندەیێ نەتەوێن یەكگرتی بۆ سووریا دبێژە كو سووریا د رەوشەكە هەستیار ومەترسیدار رە دەرباس دبە , وهەر هێز وگرووپەكی چەكدار باندرۆێ ل رەوشا سووریێ دكە .

گیێر پێدەرسۆن شاندەیێ تایبەتێ نەتەوێن یەگرتی بۆ سووریا راگەهاند كو ( 5 ) هێزێز سەرەكە د سووریا دە هەنە , هێزێن ئەمریكا , رووسیا , ئێران , توركیا , وئیسرائیل , وهەر هێزەكە ژ ڤان هێزان باندۆرا وی نە ب تەنێ ل سەر سووریی َهەیە , بەلكوو ل سەر جیهانێ ژی هەیە .

پێدەرسۆن گۆت كو پێویستە ئەڤ هێزێن كو د سووریێ دە هەنە هەماهەنگی ناڤبەرا واندە هەبە , داكو رووبرووبوون ناڤبەرا وان دە دروست نەبە , ژ بەر ئەگەر رووبرووبوون دروست بوو , وی دەمی ئەولەهیا ناڤچەیێ ب گشتی وێ تێك بچە , وئەڤ چەند باندۆرەكە نەرێنی ل سەر رەوشا سووریی َ دكە .

دەربارێ بەشداربوونا چەكدارێن هەسەدە د دانوستاندنێن ناڤدەولەتی دە ژ بۆ سووریێ , پێدرسۆن گۆت كو هەتا وەكە نها بریار نەهاتیە دان كو چەكدارێن سووریا دیموكراتیك بەشداریێ د دانوستاندنێن ناڤدەولەتی دە بكە .

شاندەیێ تایبەتێ ناڤدەولەتی ژ بۆ سووریێ گۆتژی كو ئەو كار ل گۆری بریارا ناڤدەولەتی 2254 دكە , ژ بەر ئەو بریار تەكەزیێ ل سەر موعامەلەیێ ل گەل رژێما ئەسەد بكە .

ژ دەما كو گیێر پێدەرسۆن شاندەیێ ناڤدەولەتی ژ بۆ سووریێ ل جهێ ستیڤان دیمستۆرا دەست ب كار بوویە , وهەول ددە ل گەل تەڤایا ئالیێن سووری جڤینان ئەنجام بدە , ئەوژی داكو چارەسەریەكێ ژ كریزا سووریێ رە ببینە .
ز.ح

415