پهيهدێ 24 چهكدارێن داعشێ سهربهست بهردان
دوه چهكدارێن پهیهدێ وقهسهدێ هژمارهك چهكدارێن داعشێ ل پارێزگهها رهقایێ پشتى ناڤبینكاریا سهروكێن هوز وئێلێن عهرهبێن دهڤهرێ سهربهست بهردان .
ل گوری زانیاریێن ئاركێ كو دوه چهكدارێن پهیهدێ 14 گرتیێن داعشێ یێن ل جهم خوه ل باژارێ التبقه ل روژئاڤایێ رهقایێ سهربهست بهردان ههروهها 10 كهسێن دن ل رهقایێ كو هاتبون گرتن ب تومهتا ئهندامهتیا داعشێ سهربهست هاتن بهردان .
بهریا نهها ژی چهكدارێن پهیهدێ هژمارهك دن ژ چهكدارێن داعشێ ل دێرا زورێ سهربهست بهردان پشتى ناڤبینكاریا سهروكێن هوز وئیلێن عهرهبێن دهڤهرێ ژ بو سهربهست بهرانا وان .
ل گوری زانیاریێن ئاركێ كو چهكدارێن پهیهدێ 103 چهكدارێن داعشێ ل باژاروكێ الصور ل گوندهوارێ دێرازورێ سهربهست بهردا بون ب ئامهدهبونا شێخێن هوزێن دهڤهرێ ههروهها مالباتێن وان چهكداران .
بهریا چهند روژان ژی چهكدارێن پهیهدێ 283 چهكدارێن داعشێ كو پرانیا وان خهلكێن دهڤهرا منبج وتهبقا ورهقا ودێرا زورێ بون سهربهست بهردان .
سهربهست بهردانا تومهتبارێن شانێ ڤهشارتی وتومهتبارێن ب ههڤكارى وئهندامهتیا داعشێ ژ ئالیێ چهكدارێن پهیهدێ ڤه نه جارا یهكهمه كو د ههیاما دوو سالێن بورى ده بێهترى نههسهدد گرتیێن داعش وشانێن ڤهشارتى ب ناڤبینكاریا سهروكێن هوز وئیلێن عهرهب ل تهبقا وهرقا ومنبج وگوندهوارێ دێرا زورێ و گرێ سپى سهرپهست هاتن بهردان.
سهربهست بهردانا چهكدارێن داعشێ ژ ئالیێ چهكدارێن پهیهددێ ڤه تێ ههڤدهمى كو هین بدههان ئهندام وسهركردهیێن ئهنجومهنا نشتمانى یا كورد ل سووریێ بنچاڤ كری نه وگرتى نه د زندانێن پهیهێ ده ههروهها ب سهدان ژ وهلاتیێن كورد یێن كوبانێ كو دهستێ چهكدارێن داعشێ دهبون تا نهها چارهنڤیسا وان نهدیاره تهڤى كو شهرێ داعش ل سووریێ بهرڤ داوى بونێ ڤه دچه .
497
