دەرعا دیسان كراسێ شۆرەشێ ل خوە كر

هەڤپەیمانیا نشتیمانی یا هێزێن شۆرەشێ وئۆپۆزسیۆنا سووریێ، ئاماژە ب لڤ وتەڤگەرا مللی ل پاریزگەها دەرعا ل دژی رێژیما ئەسەد كر، وئەو لڤ وتەڤگەر ب لڤ وتەڤگەرا مێرخاسان ب ناڤ كر، وهەمان دەمێ دە پشتەڤانییا خوە ب تەمامی ژبۆ خوەپێشاندەران دا نیشان دان ل همبەر رێژیمێ و ئالاڤێن وێ.

ئەو یەك پشتێ خوەپێشاندانێن كو ل باژارێ دەرعا رۆژا یەكشەممێ(10.3.2019) نێزیكی مزگەفتا العمری دەركەتبوون، وخوەپێشاندەران داخوازا ئازادیێ ورۆخانا رێژیمێ كری بوو، ودورشمین " بەلێ ژبۆ مرنێ و نا ژبۆ بێ رۆمەتیێ و درعا كراسێ ئازادیێ ژنۆڤە ل خوە دكە" هلدابوون.

هەڤپەیمانێ د داخویانییا رۆژا یەكشەمێ دە، گۆت" قەهرەمانێن حۆران جارەكی دن سۆزا خوە ب داخوازێن شۆرەشێ د سالڤەگەرا وێ یا هەشتێ دە نووكرن، وهەڤپەیمانی تەكەزیێ ل سەر وەفادارییا خەلكێ دەرعا ژبۆ قوربانیێن مللەتێ سووریێ دكە، وهەروها تەكەز دكە كو رێژیم بێ رەوایە ووێ نكاربە خوە ب سەر وژدانا سووریێن ئازاد دە ب سەپینە.

هەڤپەیمانیا نشتیمانی یا هێزێن شۆرەشێ وئۆپۆزسیۆنا سووریێ، تەكەز دكە كو خەباتا مللەتێ سووریێ ل دژی زۆرداری وستەمكاری وقركرن و تونەكرنا كو رێژیما سووریێ دەرهەقێ مللەتی مە دە دكە ، ئەركەكی نشتیمانی یە، ومللەتێ سووریێ ب هەمی شێوەیێن بەردەست بەردەوامن د خەباتا خوە دە هەتا كو بگهه ئاڤاكرنا دەولەتەكە سڤیلی دەمۆكراتی كو بەردەوامە بە ئاڤاكرنا شارستانیەتەكە مرۆڤاهیێ دە، ورەد دكە كو ببە نەموونەیەك ژبۆ تووندوتیژیێ و تونەكرن و قركرنێ و ئەنجامدانا تاوانان وسڤكاتی ب ژیانا مللەت و رۆەمەتا وی ورازی نابە ببە ناڤەندا بەرهەما تەرۆرێ.

ژ ئالیێ خوە ڤە، خەلكێ باژارێ بابێ رۆژهلاتێ پارێزگەها حەلەبێ، پشتەڤانیا مللەتێ دەرعایێ یێن كو ل دژی رێژیما ئەسەد دەركەتبوون، كر، وهەروها چالاكڤانێن سووریێ هلمەتەك راگهاندنێ ل سەر تۆرێن جڤاكی، بناڤنیشانا "وێ بكەڤە" رابوون وپشتەڤانیا خوە ژبۆ خوپێشاندانین دەرعا دان دیاركرن.

چالاكڤانان ل سەر تۆرین جڤاكی ، پۆست وتویتێن جوراوجور ل ناڤچەیێن جێاواز ل سووریێ،بەلاڤ كرن و گۆتن خەتیرا دەرعایێ نایێ ڤەمراندن وتەكەزی ل سەر بەردەوامییا پرەنسیپێن شۆرەشێ هەتا رۆخانا رێژیمێ كرن.

ر.ع

648