هژمارا شەهیدێن ناڤچەیا بێ چەك زێدە دبن

بنپێكرنێن رێژیما ئەسەد وهەڤالبەندێن وێ ل گوندەوارێن ئدلب و حەمایێ بۆ (100) شەهید زێدەبوون و دناڤا وان دە ژن وزارۆك هەنە، سەربای كو ب هەزاران ژ خەلكێ بەرڤە كامپێن پەنابەران یێن ل سەر سنۆرێ توركێ ثةنابةر بوون.

ل گۆر ژێدەران، تۆبپاران وئارمانجكرنا سڤیلان ژ ئالیێ رێژیما ئەسەد ڤە ب ئاوایەكی رۆژانە بەردەوامە و ، و ژ دەستپێكا مها شوباتا بووری ڤە ، زێدەتری (101) سڤیلی هاتنە و كوشتن و (350) دن بریندار بوونە.

هەر ل گۆر ژیدەران، رەوشا مرۆڤی و مەیدانی ل ناڤچەیێن بێ چەك ، زەحمەتە و زێدەتری (14226) مالباتی مشەخت بوونە، هێژی پێلێن دەربەدەریێ بەردەوامە هەڤدەمی بەردەوامییا تۆبپارانا رێژیما ئەسەد.

زێدەتری (92) باژار و باژارۆكی راستی تۆپبارانا رێژیمێ ومیلیسیاتیێن وێ هاتنە ، ل هەردو پارێزگەهێن ئدلب وحەمایێ.

چالاكڤانێن گوندەوارێن ئدلبێ، دان زانین كو هژمارەك بریندار كەتن ئەوژی ئەنجاما تۆپبارانا هێزێن ئەسەد و میلیسیاتێن هەڤالبەندێن وێ، ل سەر باژارێ خان شیخون و گوند و باژارۆكێ (الدیر الشرقی،معرشمارین، تلمنس،وسكیك) ل گوندەواری باشوور وگوندێ (بداما ، مرعند و الناجیە).

هەروها چالاكڤانێن گوندەوارێ حەمایێ ژ ئالیێ خوە ڤە دان زانین، كو هێزێن ئەسەد تۆپبارانا خوە ل سەر باژار و باژارۆكێ (كفرزیتا )، (تل الچخر وحصرایا ) ، كەلها (المضیق) وگوندین (التوینە، الحویز) و"جسر بیت الراس" بەردەوام كر و د ئەنجام دە ژی هژمارەك بریندار ژ خەلكێ سڤیل كەتن.

هەڤپەیمانییا نشتیمانی یا هێزێن شۆرەشی و ئۆپۆزسیۆنا سووریێ، تەكەزی كر بوو ل سەر دانینا سنۆرەكێ ژ بنپێكرن و تاوان و تۆپبارانا رۆژانە یا رێژیمێ دەرهەقێ سڤیلان دە، ل گوندەوارێ ئدلب و حەمایێ ، ئەو یەك هژمار كر مینا ئارمانجكرنەكە مەبەستدار ژ سڤیلان رە و پێكئانینا كۆمكوژیان.

هەروها هەڤپەیمانیێ دخوازا سزادانا بەرپرسێن تاوانین جەنگی ل ناڤچەیێن بێ چەك كر و پێدڤییا پابەندبوونێ ب رێكەفتنا دەڤەرێن بێ چەك .

557