هورگوليێن جڤينا قه‌سه‌دێ و به‌رپرسێن حه‌شدا شه‌عبى ل كوردستانا سووريێ
ژێده‌ره‌كى كوردى سوورى هورگولیێن سه‌ره‌دانا سه‌روكێ ده‌سته‌یا حه‌شدا شه‌عبى یا عراقى فالح فه‌یاد ژ بو كوردستانا سووریێ وجڤینا وى ل گه‌ل به‌رپرسێن په‌یه‌دێ ئه‌شكه‌ره كر .
مالپه‌را باس نیوز ل سه‌ر زارێ ژێده‌ره‌كى خوه به‌لاڤ كریه كو سه‌روكێ ده‌سته‌یا حه‌شدا شه‌عبی یا عراقی فالح فه‌یاد ل گه‌ل سه‌ركرده‌یێن چه‌كدارێن په‌یه‌دێ وقه‌سه‌دێ ل كوردستانا سووریێ جڤیا كو د وێ جڤینێ ده به‌حسا مژارا راده‌ستكرنا چه‌كدارێن داعشێ ژ بو ئالیێ عراقى هاته كرن .
ل گورى زانیاریان كو هه‌ردو ئالیان ل سه‌ر راده‌ست كرنا سه‌ركرده‌یێن رێخستنا داعشێ یێن مه‌ترسیدار كو ره‌گه‌زنامه‌یێن وان عراقى بن یان بیانى بن ژ بو ئالیێ عراقى ل سه‌ر سێ قوناغان ب ئه‌رێ كرنه‌ك ئه‌مریكى لهه‌ڤ كرن .
369
