ڤوتيل: شهرێ داعشێ ل سووريێ زو ب زو بداوى نايێ
جنرالهكی ئهمریكى راگهاند كو بداوی هاتنا شهرێ داعشێ هین دوره ودا زانین كو چهكدارێن داعشێ یێن كو ل سووریێ مانه هین رژدن ل سهر ههلوهست ونهرینێن خوه و ئهگهر بنگهها وان ل سووریێ وهره ژناڤبرن ژی ئهو ئامهدهنه شهر بكن .
بهرپرسێ هێزێن ئهمریكى ل روژهلاتا ناڤین جنرال جوزیف ڤوتیل دیاركر كو تێكدانا بنگهها داعشێ ل سووریێ دهستكهفتنهك مهزنه لێ بداوى هاتنا شهرێ داعشێ هین دوره وكارێن وان هین وهكی بهرێ یه .
جنرال ڤوتیل سهرباركر وگوت كو نهها رهوشا رێخستنا داعشێ ل سووریێ گهلهك ئالوزه ورادهستكرنا هندهك چهكدارێن وان ژ هێزێن مه ره بریارهك دو ئالی یه كو ئهو چهكدار ههول ددن ژیانا مالباتێن خوه ب پارێزن وخوه دور بخن ژ بهر چاڤا وبێگومان وێ ل هیڤیا دهرفهتهكێ بن دیسان داكو تهڤلههڤیێ ل دهڤهرێ پهیدا بكن .
ههر د ڤێ دهربارێ ده ڤوتیل تهكهز كر كو پیویسته جڤاكا ناڤدهولهتى بریار بده گهلو وێ چ بریارێ بده دهربارێ چارهنڤیسا ب ههزاران چهكدارێن داعشێ ل گهل مالباتێن وان یێن كو نهها ل سووریێ گرتینه .
دهربارێ ڤهكشاندنا هێزێن ئهمریكى ژ سووریێ ڤوتیل تهكهز كر كو تو فشار ل سهر وان نینه ژ بو ڤهكشاندنا هێزێن خوه ژ سووریێ ودیاركر كو ڤهكشاندنا هێزێن وان ژ سووریێ گریدایی شیوهیێ برێڤهبرنا شهرێ داعشێ ل سووریێ كو یهكهم ئارمانجا ئهمهریكا د سووریێ ده ژناڤبرنا رێخستنا داعشێ یه .
451