ده‌وريێن توركى ل ده‌ردورا ئدلبێ ده‌ست پێ كرن
وه‌زیرێ به‌ره‌ڤانیا توركیێ راگهاند كو توركیا هه‌ماهنگى ل گه‌ل روسیا وئیران كریه ده‌ربارێ پێشه‌روژا ئدلبێ ل گورى رێكه‌فتنا سوتشی ژ بو رێگریێ رودانا كاره‌ساته‌ك مروڤى د ده‌ڤه‌رێ .
وه‌زیرێ به‌ره‌ڤانیا توركیێ خه‌لوسى ئاكار راگهاند كو ئیرو ده‌وریێن روسی ل ده‌رڤه‌ی ئدلبێ ده‌ست پێ دكه هه‌ڤده‌مى ده‌ست پێكرنا ده‌وریێن توركی ل ده‌ڤه‌را بێ چه‌ك ل ئدلبێ كوب گوتنا وى ئه‌ڤ ده‌ورى روله‌ك وان یا گرنگ هه‌یه ژ بو پاراستنا ئه‌وله‌هیا وێ ده‌ڤه‌رێ .
ئاكار ته‌كه‌ز كر كو به‌شكرنا گروپێن ئوپوزوسیونا سووریێ وگروپێن رادیكال ل ئدلبێ به‌رده‌وامه وراگهاند ئه‌گه‌ر ئیریش ل ئدلبێ به‌رده‌وام به وێ نیزیكى سێ ملیون ونیڤ په‌نابه‌ر به‌رێ خوه بدن توركیا وئوروپا وئه‌مه‌ریكا ژی .
ئاكار سه‌رباركر وگوت كو رێژیما سووریێ هه‌ر ده‌م بنپێكرنا دكه بتایبه‌ت د رێكه‌فتنێن كێمكرنا ئاستێ شه‌ر ل ئدلبێ له‌وما داخواز ژ رێژیما سووریێ كر كو پابه‌ندیێ ب رێكه‌فتنان بكن هه‌روها داخواز ژ روسیا كر كو فشارێ ل رێژیمێ بكه ژ بو راوه‌ستاندنا ئیریشێن خوه ل ئدلبێ .
ل گورى میدیایێن توركى ئیرو یه‌كه‌م ده‌وریا توركى ل ده‌ڤه‌را بێ چه‌ك ل گونده‌وارێ ئدلبێ هاته دیتن كو تێ پێشبینى كر نكو د چه‌ند روژێن بێ ده وێ ده‌وریێن دن وه‌رن برێڤه‌برن .
291
