روسيا سوز نه دايه ئهمهريكا ب پاراستنا كوردان
هندهك ژێدهرێن ئهمریكى راگهاندن كو ههڤدیتنا كو دناڤبهرا دهستهیا ئهركانێن ئارتێشێن ئهمریكی جوزیف دانفورد وههفشانێ خوه یێ روسى ڤالیرى غیراسیموڤ ل ڤیینا نه گهشتن رێكهفتنهكێ ژ بو هندهك داخوازێن ئهمریكی یێن تایبهت دهربارێ پێشهروژا سووریێ .
ل گوری ههمان ژێدهران كو ئالیێ ئهمریكى داخواز ژ روسیا كر كو سوز بده كو رێژیما سووریێ ئیریشی دهڤهرێن كوردى ل كوردستانا سووریێ نهكن پشتى بداوهاتنا شهرێ داعشێ ل سووریێ لێ ئهڤ یهك هاته رهد كرن .
ههروهها ئهمهریكا داخواز ژ روسیا كر كو رێ نهده تو هێزهكێ بهرڤ روژهلاتێ چهمێ فهراتێ ڤه وهره لێ ئهو ژی هاته رهد كرن ههروهها ههولێن وان ژ بو گهشتنا رێكهفتنهكێ دهربارێ ئاڤاكرنا دهڤهرهك ئارام تێده چون وهاتنا بالافران قهدهغهبه تێك چو .
ئهڤ یهك تێ د دهمهكێ ده كو ئهمریكا بهردهوامه د ههولێن خوه ده ل گهل ئالى و وهلاتێن ناڤدهولهتى ژ بو بهشداریا وان دد دهڤهرا كو وێ هێزێن ئهمریكی خوه ژێ ڤهكشینن بتایبهت كو ئهمهریكا بریار دا كو 400 لهشكهرێن خوه ل سووریێ بهێلن كو ل گوری زانیاریان هندهك وهلاتان بهرسڤێن ئهرینى دان دهربارێ ڤێ پروژهیێ .
د ههمان مژارێ ده وهزیرێ دهرڤه یێ ئهمریكیا مایك پومپیو د پهیوهندیهكه تهلهفونی ده ل گهل ههفشانێ خوه یێ فهرهنسى لودریان بهحسا ژناڤبرنا داعشێ ل سووریا وعراقێ كرن ههروهها بهحسا مهترسیا چالاكیێن تهرورستی ئیرانى ل ئوروپا وروژهلاتا ناڤین ژی .
392
