ئهردوگان: ئهم رازى نابن ب دهڤهرك ئارام كو نه دبن كونترولا مه ده به
سهروكێ توركیێ رهجهب تهیب ئهردوگان راگهاند كو سهروكێ ئهمریكی ههلوهستهك بهێز دیاركر د دهما داوی ده دهربارێ دهڤهرا ئارام یا كو تێ پێشبینى كرن كو ل سووریێ وهره ئاڤاكرن .
سهروكێ توركیێ رجهب تهیب ئهردوگان د ههڤدیتنهكه تهلهڤزیونى ده ل گهل كهنالا تی ڤی 24 تهكهز كر كو وهلاتێ وی ج جاران ل سهر ئاڤاكرنا دهڤهرهك ئارام ل باكورێ سووریێ كو نه دبن كونترولا وان ده به كو بگوتنا وی ئهگهر ههیه د ههر چركهیهكێ ده كو ئیریشی وان وهره كرن ژ وێ دهڤهرا ئارام .
دهربارێ ڤهكشاندنا هێزێن ئهمریكى ژ سووریێ ئهردوگان دیاركر كو ئهمریكا دكارن چهكێن خوه یێن كو رادهستی چهكدارێن پهیهدێ كربون ب خوه ره ببن یان ژی بلا بفروشن مه ئهگهر بخوازن لێ رادهست كرنا وان ژ بو پهیهدێ نایێ قهبول كرن .
دهربارێ سیستهما س 400 یا روسی كو توركیا بنیازه كو ژ روسیا بكهره ئهردوگان دادیاركر كو توركیا تو جاران دهڤ ژ ڤێ یهكێ بهرناده كوب گوتنا وێ ئهو گهشتنه رێكهفتنهكه گشتى ب روسیا ره د ڤێ ددهربارێ ده كو وێ د دهمهكه نیزیك ده دهست بكارێ ههڤبهش بكن .
478
