ئاكار و جێڤرى ل سهر بلهزكرنا جيبهجيكرنا نهخشه ريا منبجێ تهكهز كرن
وهزیرێ بهرهڤانیا توركیێ خهلوسى ئاكار راگهاند كو پیویسته نهخشه ریا منبجێ بزوترین دهم وهره جیبهجیكرن بتایبهت خالا دهربارێ دهرخستنا چهكدارێن پهیهدێ وپهكهكێ ژ منبج .
خهلوسى ئاكار د پێشوازیا شاندهیێ ئهمریكی یێ تایبهت ژ بو سووریێ جێمس جیڤرى بهحسا پێشهاتهیێن داوى ل سووریێ كرن و د دهستپێكا وان ده دهڤهرا منبج وروژهلاتێ چهمێ فهراتێ .
د وێ جڤینێ ده ئاكار تهكهزى ل سهر پیویستیا بلهزكرنا جیبهجیكرنا نهخشه ریا منبج كر ههروهها پیویستیا نهبونا پهیهدێ وپهكهكێ د دهڤهرا ئارام ده یا كو تێ پێشبینى كرن كو ل وێ دهڤهرێ وهره ئاڤاكرن .
بهریا نهها ژی هێزا ئهركێن ههڤبهش یێن كو ژ ئالیێ توركیا وئهمهریكا ڤه هاته پێكئانین جڤینێن خوه ل ئهنقره لدارخست بو دناڤبهرا بیست وههشتێ مهها بوری ویهكێ ڤێ مههێ ده .
د وان جڤینان ده بهحسا پلانێن ئهمریكى ب ڤهكشاندنێ ژ سووریێ بتایبهت دهڤهرێن روژهلاتێ چهمێ فهراتێ ههروهها بهحسا پێشهروژا باژارێ منبج هاته كرن وهورگولیێن دهڤهرا ئارام ل باكورێ سوریێ وشیوهیێ ستاندنا چهكێن كو ئهمرهیكا رادهستێ چهكدادرێن پهیهدێ كربون گهنگهشه كرن .
د حزێرانا سالا 2018ان ده توركیا وئمهریكا گهشتن رێكهفتنهكێ دهربارێ پێشهروژا منبجێ كو تێده ل سهر دهرخستنا چهكدارێن پهیهدێ وپهكهكێ ژ باژار وپهیداكرنا ئهولههیێ د باژار ده ئهرێ كرن .
457
