ئیبراهیم برۆ: لاڤرۆڤ گۆتیە پەیەدە گەلەك شاشیتی ل هەمبەر دۆزا كوردی كریە

آرك نيوز..شاندەكە رووسیا وئەنجوومەنا نشتیمانیا كوردستانێ ل سعوودیە جڤیان , ووەزیرێ دەرڤەیێ رووسیا ب گرینگی بەحسا دۆزا كوردی ل سووریێ كر .

ابراهیم برۆ نوونەرێ ئەنجوومەنا نشتیمانیا كورد ل سووریێ راگەهاند كو ل ریادا پایتەختا سعوودیە ل گەل سێرجی لاڤرۆڤ وەزیرێ درەڤەیێ رووسیا جڤیا , و د جڤینێ دە چەندین بابەتێن گرێدایی ب رەوشا سووریێ ڤە ب گشتی ویا رۆژئاڤایێ كوردستانێ ب تایبەتی هاتنە گۆتووبێژكرن .

هەروەها ابراهیم برۆ گۆت : د جڤینێ دە سێجی لاڤرۆڤ وەزیرێ دەرڤەیێ رووسیا راگەهاندیە كو دۆزا كوردی ل سووریێ ل جەم رووسیا گەلەك گرینگە , ورووسیا ژ نێزیك ڤە ئاگەهدارێ رەوشا كوردانن .

نوونەرێ ئەنجوومەنا نشتیمانی یا كورد ل سووریێ گۆتژی كو وەزیرێ درەڤەیێ رووسیا گۆتیە كو پرسا كوردی ل رۆژهلاتێ چەمێ فەراتێ پرسەكە سەرەكەیە , وپێویستە ل گەل توركیا ورژێما سووریێ وەرە گۆتووبێژكرن .

برۆ ئاماژە ب وێ چەندێ دا وگۆت كو سێرجی لاڤرۆف گۆتیە كو پەیەدە گەلەك شاشیتی ل هەمبەر دۆز ونەتەوا كوردی ل رۆژئاڤایێ كوردستانێ كرنە , وئەو كوردێن كو ل دژی سیاسەتا پەیەدە نە , پەیەدە ئەو نەچاركرنە پەنابەری دەرڤەیی رۆژئاڤایێ كوردستانێ ببن .

ابراهیم برۆ ئەشكەرەكر كو شاندەكە هەڤپەیمانیا نشتیمانی یا ئۆپۆزسیۆنا سووریێ , كو نوونەرێ ئەنجوومەنا كوردی ژی د ناڤا شاندا هەڤپەیمانیێ دەیە وێ سەردانا ئەمریكا بكن , وبریارە ل گەل بەرپرسیارێن پلە بلندێن ئەمریكا پرسا كوردی , وپێشەرۆژا سووریێ وەرە گۆتووبێژكرن .
ز.ح

407