پولتون: پيويسته وهلاتێن ئوروپى چهكدارێن خوه ل جهم داعشێ وهرگرن
شێوهرمهندێ ئهولههیا نهتهوی ئهمریكى راگهاند كو ئهمهریكا وێ بهردهوامبه د فشارێن خوه ده ل سهر ههڤپهیمانیێن خوه یێن ئوروپى ژبو وهرگرتنا وهلاتیێن خوه یێن كو تهڤلی داعشێ بوبون ونهها ل جهم چهكدارێن پهیهدێ گرتینه .
شێوهرمهندێ ئهولههیا نهتهوی ئهمریكى جون پولتون د ههڤدیتنهكه تلفزیونى ده ل گهل كهنالا سی بی اس دیاركر كو رهوشا 800 ههتا ههزار چهكدارێن داعشێ یێن كو گرتینه ل جهم پهیهدێ ل باكورێ سووریێ جهێ فكارا وانه .
پولتون بالكشاند سهر گوتنا ترامپ د ههیڤا بورى ده ل سهر پیویستیا وهرگرتنا بریتانیا وئهلمانیا وهندهك وهلاتێن دن یێن ئوروپى ژ چهكدارێن خوه ره یان وێ نهچار ببن كو وان سهربهست بهردن .
پولتون ئهشكهره كر كو ئهگهر وان وهلاتان ئهو چهكدار ل خوه نهگرتن ئهگهر ههیه كو ئهو وان چهكداران سزابدن لێ ئهو نه گهلهكى رازى نه ب ڤێ یهكێ كو بنهرینا وان پیویسته وهلاتێن وان چهكداران ڤێ بهرپرسیارهتیێ ل خوه بگرن .
پولتون سهرباركر وگوت كو ئهنجومهنا پیرێن ئهمریكى و سهوركێ ئهمهریكا بهحسا ڤهگوههستنا هندهك چهكدارێن داعشێ یێن پلهبلند ژ بو زندانا غوانتانامو یێ كو ژ سالا 2008ان ڤه یهگ گرتى ژی ل خوه نهگرتیه .
بهریا دهمهكێ حكومهتا عراقێ راگهاند كو وان 13 چهكدارێن داعشێ یێن خودان رهگهزنامهیا فهرهنسى ژ چهكدارێن پهیهدێ وهرگرتن ههڤدهمى گوتنێن سهروكێ فهرهنسى ئیمانویل ماكرون ب ئهگهر سزادانا وان چهكداران ل سهر خاكا عراقێ .
ئهڤ یهك تێ د دهمهكێ ده كو وهلاتێن بریتانیا ۆ ئهلمانیا ۆ بهلجیكا ۆ دهنمارك راگهاند كو ئهو وهلاتیێن خوه یێن كو تهڤلى دداعشێ بون وهرناگرن كوب گوتنا وان ئهو كهس مهترسینه ل سهر ئهولههیا وهلاتێ وان .
532
