پهيهدێ 30 چهكدارێن دن يێ داعشێ سهربهست بهردان
دوه چهكدارێن پهیهدێ هژمارهكه دن ژ چهكدارێن داعشێ ل رهقایێ سهربهست بهردان قشتى ناڤبینكاریا پور سپێن دهڤهرێ ههڤدهمی سهربهست بهردانا 103 چهكدارێن دن ل گوندهوارێ دێرا زورێ .
لگوری زانیاریێن ئاركێ كو دوه چهكدارێن پهیهدێ 30 چهكدارێن تومهتباركرى ب ئهندامهتیا داعشێ سهربهست هاتن بهردان كو 23 چهكدار خهلكێن رهقایێ بون وحهفت چهكدارێن دن خهلكێ دهڤهرا تهبقا بون .
ههڤدهمى ڤێ سهربهست بهردانێ چهكدارێن پهیهدێ هژمارهك دن ژ چهكدارێن داعشێ ل دێرا زورێ سهربهست بهردان پشتى ناڤبینكاریا سهروكێن هوز وئیلێن عهرهبێن دهڤهرێ ژ بو سهربهست بهرانا وان .
ل گوری زانیاریێن ئاركێ كو چهكدارێن پهیهدێ 103 چهكدارێن داعشێ ل باژاروكێ الصور ل گوندهوارێ دێرازورێ سهربهست بهردان ب ئامهدهبونا شێخێن هوزێن دهڤهرێ ههروهها مالباتێن وان چهكداران .
سهربهست بهردانا تومهتبارێن شانێ ڤهشارتی وتومهتبارێن ب ههڤكارى وئهندامهتیا داعشێ ژ ئالیێ چهكدارێن پهیهدێ ڤه نه جارا یهكهمه كو د ههیاما دوو سالێن بورى ده بێهترى نههسهدد گرتیێن داعش وشانێن ڤهشارتى ب ناڤبینكاریا سهروكێن هوز وئیلێن عهرهب ل تهبقا وهرقا ومنبج وگوندهوارێ دێرا زورێ و گرێ سپى سهرپهست هاتن بهردان.
سهربهست بهردانا چهكدارێن داعشێ ژ ئالیێ چهكدارێن پهیهددێ ڤه تێ ههڤدهمى كو هین بدههان ئهندام وسهركردهیێن ئهنجومهنا نشتمانى یا كورد ل سووریێ بنچاڤ كری نه وگرتى نه د زندانێن پهیهێ ده ههروهها ب سهدان ژ وهلاتیێن كورد یێن كوبانێ كو دهستێ چهكدارێن داعشێ دهبون تا نهها چارهنڤیسا وان نهدیاره تهڤى كو شهرێ داعش ل سووریێ بهرڤ داوى بونێ ڤه دچه .
460
