گهلۆ پهیهدێ دێ گرتیێن كورد ژی سهربست بهرده ؟
آرك نيوز .. ب ههزاران ژ وهلاتیێن كورد و عهرب ل جهم داعشا تهرۆر تا نها بێ چارنڤیسن وههردهم دهمهكێ ده رێڤهبهریا پهیهدێ یا خوهسهر ب سهربلندی و سهرفرازی گرتیێن داعشێ سهربست بهردده ئهو ژی ل ژێر ناڤێ نیازێن پاك وان سهربست بهردده .
ل گۆر چاڤدێر و چالكڤانان كو دڤێ پهیهدێ یا ههری كێم گرتیێن داعشێ ب یێن كورد ب ههڤبگهورینه ژ بهر كو ب ههزاران ژ دیلێن كورد یێن لهشكهر و سڤیل ل جهم داعشێ گرتینه پرانییا وان خهلكێ كۆبانێ و گرێ سپی و رهققا و ههروهها عهفرین و جزیرێ نه .
لێ پهیهدێ ههردهم ودهمكێ ده گرتیێن داعشێ سهربست بهردده كو بهشهك ژ وان گرتییان ههر چهكان هلدگرن و ل ههمبهر كوردان رادوستن ژ بهر كو دبیر وباروهرییا داعشێ ده یه كو كورد كافرن و دڤێ وهرن كوشتن .
سهربست بهردانا پهیهدێ ژ گرتیێن داعشێ بوو جهێ نهرازیبوونا سیاسهتمدار و چالاكڤان و وهلاتیێن كورد كو ب شێوهیهكی توند وتووژ ل سهر تۆرێن جڤاكی هاته رهخناكرن رسواكرن و شهرمهزاركرن و ژ پهیهدێ خوهستن كو وهك چاوا دانوستاندنێ ب داعش ودیلێن وان ره دكن ههمان دانوستاندنێ ب زارۆكێن رهڤاندنێن كورد ره ژی بكن وباڤێ وان ژ وان ره ڤهگهرینن داكو ب كێڤ وشادی دناڤ مالباتێن خوه بژین .
ب دههان ژ سیاسهتمدار و چالاكڤان وئهفسهرو وهلاتیێن كورد د زیندانێن پهیهدێ ده رهڤاندینه وبهشهك مهزن ژ وان تا نها بێ چارهنڤیسن و ل سهر وان ره ههشت سال بووری نو وتو كهس نزانه ل كو دهرێ نه یان د ژیانێ ده مانه یان نا .
بهزاد دورسن ئهندامێ پۆلیتبیرۆیا پارتیا دهمۆقراتا كوردستان سوریا 24/10/2012 ل دهردۆرا دێركا رۆژئاڤایێ كوردستانێ هاته رهڤاندن .
چالاكڤان ندال عسمان ب سهركرده بهزاد دورسن ره هاته رهڤاندن .
پارێزه ادریس علو ئهندامێ رێخستنا عهفرینێ یا پهدهكهسێ د 8/11/2011 ل عهفرینێ هات رهڤاندن .
أحمد سیدو ئهندامێ رێخستنا عهفرینێ یا پهدهكسێ ل تاخا شێخ مقسودا حهلهبێ د 10/9/2013 هاته رهڤاندن .
چالاكڤان فۆاد ابراهیم ئهندامێ خوجهییا دێریكێ یا ئهنجومهنا نشتیمانی یا كوردی ل سووریێ د 24/3/2017 ل دهردۆرا دێركا رۆژئاڤایێ كوردستانێ هاته رهڤاندن .
چالاكڤان أمیر حامد د 11/1/2014 ل باژارێ درباسیێ یێ رۆژئاڤایێ كوردستانێ هاته رهڤاندن .
جمیل عمر أبو عادل 13/7/2012 ل باژارێ قامشلۆ هاته رهڤاندن .
ژبلی وان سیاسهتمدار و چالاكڤانان ههشت ئهڤسهرێن كورد یێن كو ژ ئارتێشا رێژیما ئهسهد ڤهقهتیانه و ب نیازبوون بهرێ خوه بدن ههرێما كوردستانێ ل باژارێ قامشلۆ د17/4/2013 دهنگوباسێن وان هاتن برین و هاتن رهڤاندن .
عمید محمد خلیل علی ژ باژارێ بابێ یێ رۆژهلاتێ حهلهبێ .
عقید محمد هیسم ژ ههرێما عهفرینێ یا رۆژئاڤایێ كوردستانێ یه.
عقید حسن اوسو ژ ههرێما عهفرینێ .
عقید محمد كلو خیری ژههرێما عهفرینێ .
مقدم شوقی عسمان ژ ههرێما عهفرینێ .
رائد بهزدا نعسو ژ ههرێما عهفرینێ .
نقیب حسین بكر ژ ههرێما عهفرینێ .
ملازن اول عدنان برازی ژ باژارێ كۆبانێ.
تهڤی كو پهیهدێ دان ب وێ یهكێ ناكه كو پرانییا ناڤێن ناڤبووری د زیندانێن وان دهنه لێ سیاسهمهدار تهكهز دكن كو د زیندانێن پهیهدێ ده نه ونه دووره كو بهشهكه ژ وان نهخاسم ئهفسهرێن كورد رادهستی رێژیما بهعسا فاشت كربن ژبهر كو بهریا وێ ب ئهندامێ كۆمیتا ناڤهندی یا پهدهكهسێ عبدالرحمن ئابو ره وهها كربوو ورادهستی رێژیمێ كربوو .
ژبلی ناڤێن ناڤبوری یێن كو ژ ئالیێ دهژگهها ئاركێ ڤه هاتنه بهلگهكرن هین ژی هژمارهك ژ وهلاتیێن كورد د زیندانێن پهیهدێ نه و بێ چارهنڤیسن وههردهم بانگا دیاركرنا چارنڤیسا وان و سهربست بهردانا وان تێ كرن وو وهك چاوا داعشان سهربست بهردن بانگ تێ كرن كو خهباتكاران و سیاسهتمداران و وهلاتیێن ب رۆۆمهت سهربست بهردن وئیدی دۆژمانتییا خوه ب دوژمهێن راستهقینا ره بكن نه تڤنگ وچهكێن خوه ل ههمبهر كوردێن دلسوز راكن وبلندبكن وههرتم ده كورد وهرن رهڤاندن وعهرب وداعش ب سهربست و ئازادی ل جهم ههڤژین وازارۆكێن خو بژین وژیانا خوه دهرباس بكن .
ش.ع
704
