پهيهدێ 103 چهكدارێن داعش سهربهست بهردان
ژ بو چارا ددوان د حهفتیهكێ ده چهكدارێن پهیهدێ هژمارهك دن ژ چهكدارێن داعشێ ل دێرا زورێ سهربهست بهردان پشتى ناڤبینكاریا سهروكێن هوز وئیلێن عهرهبێن دهڤهرێ ژ بو سهربهست بهرانا وان .
ل گوری زانیاریێن ئاركێ كو چهكدارێن پهیهدێ 103 چهكدارێن داعشێ ل باژاروكێ الصور ل گوندهوارێ دێرازورێ سهربهست بهردان ب ئامهدهبونا شێخێن هوزێن دهڤهرێ ههروهها مالباتێن وان چهكداران .
بهریا دوو روژان ژی چهكدارێن پهیهدێ ب سهدان چهكدارێن داعشێ یێن كو هاتبون گرتن سهربهست بهردان پشتى ناڤبینكاریا سهروكێن هوز وئیلێن عهرهبان ل دهڤهرێ كو ئهو چهكدار بهریا نهها دیل كهتبون د دهستێ چهكدارێ پهیهدێ ده .
ل گوری زانیاریێن ئاركێ كو چهكدارێن پهیهدێ 283 چهكدارێن داعشێ كو پرانیا وان خهلكێن دهڤهرا منبج وتهبقا ورهقا ودێرا زورێ بون سهربهست بهردان .
د یهكێ مهها بورى ده ل باژارێ مهنسوورا یێ كو بیست كیلو مترهیان دكهڤه روژهلاتێ رهقایێ چهكدارێن سوریایا دیمقوراتیك حهفتێ وچار گرتیێن تومهتبار ب تێكدان وتهڤیههڤكرنا رهوشا وى باژاری پشتى كیمترى حهفتیهكێ ژ كرتنێ سهربهست بهردان ئهو ژی ل سهر داخوازا شێخێن هوز وئیلێن دهڤهرێ بو .
سهربهست بهردانا تومهتبارێن شانێ ڤهشارتی وتومهتبارێن ب ههڤكارى وئهندامهتیا داعشێ ژ ئالیێ چهكدارێن پهیهدێ ڤه نه جارا یهكهمه كو د ههیاما دوو سالێن بورى ده بێهترى نههسهدد گرتیێن داعش وشانێن ڤهشارتى ب ناڤبینكاریا سهروكێن هوز وئیلێن عهرهب ل تهبقا وهرقا ومنبج وگوندهوارێ دێرا زورێ و گرێ سپى سهرپهست هاتن بهردان.
سهربهست بهردانا چهكدارێن داعشێ ژ ئالیێ چهكدارێن پهیهددێ ڤه تێ ههڤدهمى كو هین بدههان ئهندام وسهركردهیێن ئهنجومهنا نشتمانى یا كورد ل سووریێ بنچاڤ كری نه وگرتى نه د زندانێن پهیهێ ده ههروهها ب سهدان ژ وهلاتیێن كورد یێن كوبانێ كو دهستێ چهكدارێن داعشێ دهبون تا نهها چارهنڤیسا وان نهدیاره تهڤى كو شهرێ داعش ل سووریێ بهرڤ داوى بونێ ڤه دچه .
481
