رهوشا دهربهدهران ل كامپا الهول گهلهك خهرابه
هاته راگهاندن كو كو جهێ دهربهدهران ل كامپا الهول ل گوندهوارێ حهسهكێ نهما یه پشتى پێلا دهبهدهران یا داوى ژ دێرا زورێ كو ئهو دهربهدهر د رهوشهك گهلهك ئالوز وخهراب ده دژین .
بهردفكێ بناڤێ ئوفیسا نهتهوێن یهگرتى یا ههماهنگیا كاروبارێن مروڤی ینس لایركه فكارا خوه دهربارێ چارهنڤیسا بههزارێن سڤیلان ل دهڤهرا باغوز ل گوندهوارێ دێرا زورێ دیاركر كر .
لایركه دیاركر كو نهها 45 ههزار دهربهدهرا ل كامپا الهول ل پارێزگهها حهسهكێ دمینن دناڤ وان ده 13 ههزار دهربهدهر د حهفتیا بورى ده ژ گوندهوارێ دێرا زورێ دهربهدهر بون .
ل گوری زانیاریان كو ژ دهستپێكا شهرێ دێرا زورێ نیزیكی 32 ههزار كهس گهشتن كامپا الهول كو ب ڤێ یهكێ هژمارا دهربهدهران دناڤا كامپێ ده بو 44 ههزار دهربهدهر كو پهیهدێ نهچار بو كامپێ مهزن تر بكه .
لێ ههڤدهمی ڤێ پربونا دهربهدهران دناڤا كامپێ ههروهها زهحمهتا كو ئهو دهربهدهرا ل سهر رێ دبینن هاته دیاركرن كو 84 كهس ل سهر وێ ریێ هاتن كوشتن كو پرانیا وان زاروكێن كێم پێنج سالى بون .
ههروهها رهوشا ناڤا كامپێ ژی گهلهك خهرابه كو گهلهك نهخوهشى دناڤا كامپێ ده بهلاڤ بونه ژ بلى وهستاندنێ وپرچێبونێ بتایبهت كو 90 ژ سهدی ژ نهشتهجیبویێن كامپێ ژن وزاروكن كو ل گوری ئامارێن نهتهوێ یهگرتى بیهتری 175 زاروك نهها پیویستیا وان نهخوهشخانهیان ههیه ژ بهر خرابونا خوارنێ .
403
