پهيهدێ 283 چهكدارێن داعشێ سهربهست بهردان
چهكدارێن پهیهدێ راگهاندن كو وان ب سهدان چهكدارێن داعشێ یێن كو هاتبون گرتن سهربهست بهردان پشتى ناڤبینكاریا سهروكێن هوز وئیلێن عهرهبان ل دهڤهرێ كو ئهو چهكدار بهریا نهها دیل كهتبون د دهستێ چهكدارێ پهیهدێ ده .
ل گوری زانیاریێن ئاركێ كو چهكدارێن پهیهدێ 283 چهكدارێن داعشێ كو پرانیا وان خهلكێن دهڤهرا منبج وتهبقا ورهقا ودێرا زورێ بون ل سهر داخوازا سهروكێن هوز وئیلێن عهرهبان ژ زندانێن خوه سهربهست بهردان .
بهریا دهمهكێ ژی چهكدارێن ناڤبوری هژمارهك مهزن ژ چهكدارێن داعشێ سهربهست بهردان ل گوندهوارێ رهقایێ .
د یهكێ مهها بورى ده ل باژارێ مهنسوورا یێ كو بیست كیلو مترهیان دكهڤه روژهلاتێ رهقایێ چهكدارێن سوریایا دیمقوراتیك حهفتێ وچار گرتیێن تومهتبار ب تێكدان وتهڤیههڤكرنا رهوشا وى باژاری پشتى كیمترى حهفتیهكێ ژ كرتنێ سهربهست بهردان ئهو ژی ل سهر داخوازا شێخێن هوز وئیلێن دهڤهرێ بو .
سهربهست بهردانا تومهتبارێن شانێ ڤهشارتی وتومهتبارێن ب ههڤكارى وئهندامهتیا داعشێ ژ ئالیێ چهكدارێن پهیهدێ ڤه نه جارا یهكهمه كو د ههیاما دوو سالێن بورى ده بێهترى نههسهدد گرتیێن داعش وشانێن ڤهشارتى ب ناڤبینكاریا سهروكێن هوز وئیلێن عهرهب ل تهبقا وهرقا ومنبج وگوندهوارێ دێرا زورێ و گرێ سپى سهرپهست هاتن بهردان.
سهربهست بهردانا چهكدارێن داعشێ ژ ئالیێ چهكدارێن پهیهددێ ڤه تێ ههڤدهمى كو هین بدههان ئهندام وسهركردهیێن ئهنجومهنا نشتمانى یا كورد ل سووریێ بنچاڤ كری نه وگرتى نه د زندانێن پهیهێ ده ههروهها ب دههان رهوشهنبیر ونڤیسكار وراگهاندكار وندانه وكهس چارهنڤیسا وان نزانه .
470
