كوركوسك .. سالڤهگهرا 40ی یا كۆچا داوییا نهمر بارزانی هات ڤهژاندن
آرك نيوز .. رێخستنا کوركوسكێ یا پارتیا دەموقراتا کوردستان - سووریا سالڤەگەرا چلی یا کۆچا داوییا سمبۆلا نەتەوا کوردی مەلا موستەفا بارزانی ل کامپا کوركوسكێ يا پهناربهرێن رۆژئاڤایێ كوردستانێ ل دهردۆرا هولێرێ ڤەژاند .
د رۆژا 1ێ ئادارێ 2019ان دە رێخستنا کوركوسكێ ب ئامەدەبوونا ئەندامێن پارتیا دەموقراتا کوردستان سووریا و رێڤەبەرێن کەمپا کوركوسكێ و دەزگهها خێرخاوازیا بارزانی و ب بهشدارییا کۆمێن فلکلۆری و هژمارەکە مەزن ژ خەلکێ کەمپێ سالڤەگەرا چلی یا کۆچا داوی یا سمبۆلا نەتەوا کوردی ملا موستەفا بارزانی ڤەژاند.
د دەسپێکا بیرئانینێ دە ئەنداما کۆمیتا هەرێمی یا رێخستنا کوركوسكێ یا پارتیا دەموقراتا کوردستان- سووریا نجاح محمد بخێرهاتنا تەڤاهیا مێهڤانێن ئامەدابووی کر و داخوازا خولەکە بێ دەنکێ سەر جانێ ملا موستەفای بارزانی و تەڤاهیا شەهێدێن کوردستانێ کر.
ژ ئالیێ خوه ڤه ئەندامێ کۆمیتا ناڤەندی و نڤیسگەها سیاسی یا پارتیا دەموقراتا کوردستان سووریا محمد علی ابو نادو گۆتنەک ب ناڤێ پهدهكهسێ پێشكێش كر وبهحسا کار و خەباتا بارزانی و دیرۆکا وی یا کوردی ژ کەسێن ئامەدەبووی رە دا خویاکرن .
کۆما نارین یا فلکلۆری و ناڤەندا نورالدین زازا یا سەر ب دەزگەها بارزنی ڤە هژمارەک ژ هەلبەست و سترانێن سەر بارزانیێ نەمر پێشکێشکرن و کورتە فیلمەک سەر ژیانا بارزانیێ نەمر ژ ئالیێ نڤیسگەها راگەهاندنێ یا رێخستنا کوركوسكێ یا پارتیا دەموقراتا کوردستان سووریا هاتە پێشکێشکرن .
د داویا بیرئانینێ دە نجاح محمد سپاسیا ئەندامێن رێخستنێ و کەسێن کو د سالڤەگەرا چلی یا بارزانیێ نەمر دە ئامەدەبوونه کر.
برفین سلیمان
769
