25 ههزار پهنابهرێن عراقى ل كامپا الهول دمينن
بسپورهكى ئهولههى ولهشكهرى عیراقى راگهاند كو بههزاران پهنابهرێن عراقێ ل كامپا الهول ل گوندهوارێ حهسهكێ دمینن كو دناڤ وان ده بههزاران مالباتێن چهكدادرێن داعشێ نه .
پسبور هشام الهاشمی راگهاند كو 25 ههزار پهنابهرێن عراقی ل كامپا الهول دمینن كو دناڤ وان ده نیزیكی 50 ههزار زاروك وژن وپیرهمێر ژ مالباتێن چهكدارێن داعشێ نه كو تێ پیشبینى كر نكو 959 داعشێ دناڤا كامپێ ده ههنه كارێ لوجستی ژ بود اعشێ دكن .
الهاشمی دیاركر كو حكومهتا عراقى رێكهفتنهك ب ههڤپهیمانیا ناڤدهولهتى یا لدژی داعشێ وچهكدارێن سوریایا دیموقراتیك ئیمزه كریه ژ بو وهرگرتنا وان كهسان ل سهر چهند قوناغان .
الهاشمی تهكهز كر كو ژ تهباخا 2018 ههتا مژدارا ههمان سالێ نیزیكى 3498 كهس هاتن ڤهگوههستن ژ وێ كامپێ بهرڤ عراقێ ل گوری زانیاریێن ئهولههى تایبهت ههروهها 280 چهكدارێن كو شهر ل گهل چهكدارێن داعشێ ل سووریێ دكرن .
ل گوری ئامارێن فهرمى كو بیهتری 500 چهكدارێن داعشێ یێن خودان رهگهزنامهیا عراقى ل جهم چهكدارێن قهسهدێ گرتینه كو بهریا چهند دروژان 280 چهكدار هاتن رادهست كرن ژ بو حكومهتا عراقێ .
ههروهها هاته ددیاركرن كو ئهڤ رادهست كرن هات وهكو رێگریهكى ل سهربهست بهردانا وان ژ ئالیێ چهكدارێن قهسهدێ ڤه كو ئهگهر ههیه د دهما بێ ده هژمارهك دن ژ وان چهكدارێن عیراقى ژ بو حكومهتا وهلاتێ وان وهرن رادهست كرن .
293