ئهنهكهسێ ل گهل نونهرا كهنهدا يا تايبهت ژ بو سووريا جڤيا
شاندهك ژ ئهنجومهنا نشتمانى یا كورد ل سووریێ ل گهل نونهرا حكومهتا كهنهدى یا تایبهت ب سووریێ روبین وتلوفر ل ئستهنبولا توركى جڤیان وبهحسا گهلهك مژارێن تایبهت ب رهوشا سووریێ ودهڤهرێن كوردى هاته كرن.
ل گورى زانیاریێن ئاركێ د وێ جڤینێ ده بهحسا رهوشا نهها یا سووریێ هاته كرن ههروهها نهرینا ئهنجومهنا نشتمانى یا كورد ل سووریێ ورولا وههلوهستێن وى دهربارێ پێشهاتهیێن سیاسی یێن دهڤهرێ هاته كرن .
د ههما جڤینێ ده ئهنجومهنێ بهحسا رهوشا باژارێ عهفرینێ كرن ونهرین وههلوهستێن ئهنهكهسێ د ڤێ دهربارێ ده ههروهها بهحسا بهشداریا ئهنهكهسێ د دوسهیێن سیاسى ل سووریێ هاته كرن .
ژ ئالیێ خوه ڤه نونهرا كهنهدا كێفخوهشیا خوه ب ڤێ ههڤدیتنێ ئانی وتهكهزى ل سهر رازیبون وكێفخوهشیا وێ ب نهرین وههلوهستێن ئهنجومهنێ ونهرینا وی یا سیاسى , ههروهها مهترسیێن وان ب پێشهروژا دهرڤهێن كوردى بێ ئهرێ كرنهكه ناڤدهولهتى ب بهرچاڤ گرت .
ههروهها كێفخوهشیا خوه ب ڤێ جڤینی دیاركر ژ بهر كو ب گوتنا وێ جڤینێن وان ب ههڤپهیمانیا نشتمانى یا ئوپوزسیونا سووریێ ره ئهو دهرفهت نهبو كو ئهنهكهسێ نهرینا خوه باش ئهشكهره بكه وئهڤ دهرفهتهك بو ژ بو زلالكرنا نهرینێن ئهنجومهنێ .
د داویا جڤینێ ده بهرسڤا هندهك پرسێن ههڤبهس هاته دان دهربارێ رهوشا نهها ل دهڤهرێ وتایبهت مهندیا كوردان ل سووریێ ههروهها تهكهزی ل سهر بهردهوامیا ڤان جڤینان دناڤبهرا ههردو ئالیان ده هاته كرن .
شاندا ئهنهكهسێ ژ ههر ژ محمد اسماعیل ئهندامێ دهستهیا سهروكاتیا ئهنهكهسێ و عبدالباست حمو جیگرێ سهروكێ ههڤپهیمانیێ وعبدالله گدو ئهنددامێ دهستهیا سیاسی یا ئوپوزسیونێ .
455
