بده‌هان چه‌كدارێن داعشێ ژ كامپا الهول ره‌ڤيان
هاته راگهاندن كو هژماره‌ك چه‌كدارێن داعشێ یێن تیروریست ژ كامپا هول ل پارێزگه‌ها حه‌سه‌كى ره‌ڤیان پشتى كو خوه راده‌ستى چه‌كدارێن په‌یه‌دێ كربون ل گونده‌وارێ دێرا زورێ .
مالپه‌را باس نیوز به‌لاڤ كریه كو بده‌هان چه‌كدارێن داعشێ دكاریبون د هه‌ردو روژێن بوری ده ژ كامپا الهول ل گونده‌وارێ حه‌سه‌كێ بره‌ڤن پشتى كو پاره دانه نوبه‌دار ئانكو حه‌ره‌سێن كامپێ كو ئه‌ندامێن په‌یه‌دێ نه .
ل گوری زانیاریێن كو هاتنه به‌لاڤ كرن چه‌كدارێن ناڤبوری 75 هه‌زار دولار دانه نوبه‌دارێن كامپێ به‌رامبه‌ری رێ پێدان ب ره‌ڤاندنا هه‌ر چه‌كداره‌كی داعشێ ژ كامپێ .
ژێده‌رێ ناڤبوری ته‌كه‌ز كر كو چه‌كدارێن داعشێ یێن كو ژ كامپێ ره‌ڤیان به‌رێ خوه دان سینورێ عیراقی سوری یێ هه‌ڤبه‌ش ل روژهلاتێ حه‌سه‌كێ .
د چه‌ند روژ وحه‌فتیێن بورى ده ب سه‌دان ژ چه‌كدارێن داعشێ ل باغوز خوه راده‌ستى چه‌كدارێن سوریایا دیموقراتیك كرن كو هاتن ڤه‌گوهه‌ستن ژ بو كامپا الهول كو ئه‌و چه‌كدار خودان ره‌گه‌زنامه‌یێن جور بجور بون .
ژ به‌ر داگرتنا زندانێن په‌یه‌دێ ب گرتیان په‌یه‌دێ چه‌كدارێن داعشێ یێن تیروریست ته‌ڤلی وه‌لاتیێن سڤیل دكه ل كامپا الهول كو ئه‌ڤ یه‌ك بو جهێ نه‌رازیبونا چاڤدێر و وه‌لاتیێن سڤیل ژ به‌ر مه‌ترسیا وان چه‌كداران ل سه‌ر جڤاكێ بگشتی كو پیویسته ئه‌و چه‌كدار ل جهێن تایبه‌ت كو چاڤدێریه‌ك بهێز ل سه‌ر وان هه‌به وه‌رن زندان كرن .
241
