پارتییا یەكیتییا كوردستانی - سوریا كۆنفرانسی خوە ل هەولێرێ ل دارخست

دوه(26.2.2019)، كۆنفرانسێ رێخستنا هەرێما كوردستانێ یا پارتییا یكیتی كوردستانی - سوریا ل هەولێرێ هات ل دارخستن وتێدە هژمارە ئەندامێ رێخستنێ وەك سەركردەیێن رێخستنا هەولێرێ یا وێ پارتیێ هات دیاركرن.

رۆژا (23.12.2019)، كۆنگرا پارتییا یەكیتی كوردی ل سووریێ هاتبوو ل دارخستن ود كۆنگر دە ناڤێ پارتیا خوە وسكرتێر وجێگرێ وی ژی گوهەری بوو وبریار دابوو كو ب نزێكترین دەم دە كۆنفرانسێن رێخستنێن خوە ل دار بخە.

ناڤێ پارتییا یەكیتی كوردی ل سووریێ بوو و ب بریارا كۆنگر بوو پارتییا یەكیتییا كوردستانی – سوریا و سلیمان اوسو ل جهێ ابراهیم برو بو سكرتێر و عبدالله عوجێ ل جهێ حسن صالح بوو جێگرێ وی.

د كۆنگرێ یكیتی دە سكرتێر و نووزدە ئەندامێ كۆمیتا سیاسی و دوو ئەندامێ دن ژی وەك یەدگ هاتن هلبژارتن ودیاری كرن.

كۆنگرێ یەكیتی ب سیستەمەكی نوو هاتبوو ل دارخستن ئەو ژی سیستەما ژۆرێن ئەلیكترونی ل سەر مالپەرا سۆشیال میدیا (ژۆرێن سكایپی) و ب ناڤێن ژۆرا كوردستانا سووریێ ل قامشلۆ و ژۆرا هەرێما كوردستانێ ل هەولێرێ و ژۆرا توركیێ و ژۆرا ئەورۆپا ل ئەلمانیا هات ئەنجام دان .

د كۆنگرا یەكیتی دە، 166 ئەندام د ریێا ڤان هەر چار ژۆران رە وەكە نوونەرێن دەستە و رێخستنێن یەكیتی بەژدای كۆنگر بوون.

پشتی گۆتوبێژی و روشنتەنەكێ زێدەتری(70) دەمژمێران ، داوی ب كۆنگرێ هات و سلێمان اوسو ب (91) دەنگی ژ ئەصلێ (166) دەنگێ بوو سكرتێر ول جهێ ابراهیم برو رونشت و ركبەرێ وی عبدالصمد خلف برو بوو (72) دەنگ ب دەستڤە ئانی.

هەروها عبدالاله عوجێ مینا جێگرێ سكرتێر هات هلبژارتن و ل جهێ حسن صالح .

439