نهتنياهو: كار بهردهوامه ژ بو دهرخستنا ئيران ژ سووريێ
سهروك وهزیرێن ئسرائیلێ راگهاند كو وهلاتێ وێ بهردهوام به د كارێ خوه ده ژ بو دهرخستنا میلیس وچهكدارێن ئیرانى ژ سووریێ .
سهروك وهزیرێن ئسرائیل بنیامین نهتنیاهو ل سهر تویتهرا خوه نڤیساندیه كو ئهوێ بهردهوام بن د كارێ خوه ل سووریێ ژ بو دهركرنا ئیران ومیلیسێن وێ ژ سووریێ ژ بهر كو ئیرانى گهڤا وێرانكرنا ئسرائیل دخوه وئهو تو جاران رێ نادن ئیران كو ل نیزیكى سینورێ ئسرائیلێ بجه ببه .
ههروهها دا دیاركرن كو ئهوێ د جڤینا خوه ده ل گهل سهروكێ روسی فلادیمیر پوتین كو بریاره سبه ل موسكو بجڤن بهحسا ههبونا چهكدار ومیلیسێن ئیرانى ل سووریێ بكن .
نهتنیاهو ههروهها ئهشكهره كر كو كار وچالاكیێن وان ل دژی ههبونا ئیرانى د سووریێ ده یه وئهو ههر دهم ودهمهكێ ئیریشێ بنگههێن وان ل سووریێ دكن ودا دیاركرن كو ئهوێ بهردهوامبن د ڤان ئیریشان ده .
نهتنیاهو سهرباركر وگوت كو وی بهیستیه كو بهرپرسهكی ئیرانى پلهبلندد راگهاندیه كو وان نیزیكى 90 ژ سهدی ژ ئارمانجێن خوه ل سووریێ بدهست خستنه كو بگوتنا نهتنیاهو ئهڤ یهك نه راسته لێ ئهو ههول ددن خوه بجه بكن ل سووریێ وئهم بهردهوامن د رێگریێ ده .
ههر دهم و دهمهكێ ئسرائیل ئیریشی بنگههێن ئیرانى ل سووریێ دكه كو د ئهنجام ده ب دههان بهرپرس وشیوهرمهندێن ئیرانى ل سووریێ هاتنه كوشتن ههڤدهمى كو ئیران گهفا ژناڤبرنا وێ ژ ههبونێ دخوه ئهگهر بهردهوامبه د ئیریشێن خوه ده ل سهر بنگههێن میلیسێن ئیرانی ل سووریێ .
502
