عراق وهرگرتنا ههژمارهك چهكدارێن فهرهنسى كو دناڤ داعشێ دهبون تهكهز كر
سهروكێ عیراقی راگهاند كو وهلاتێ وی 13 چهكدارێن فهرهنسى كو دناڤ رهفێن داعشێ ل سووریێ شهر دكرن ژ چهكدارێن پهیهدێ وقهسهدێ وهرگرتن داكو وهرن دادگهه كرن ل عیراقێ .
سهروكێ عراقی بهرهم صالح د كونگرهكى روژنهمهڤانى ده پشتى جڤینا وى ب سهروكێ فهرهنسى ئیمانویل ماكرون دیاركر كو ئهوێ وان چهكدارێن فهرهنسى ل گوری یاسایێن عیراقى دادگهه بكن .
سهروكێ عراقێ تهكهز كر كو وهلاتێ وێ ئهگهر ههیه ببه خاكهك ژ بو دادگهه كرنا چهكدارێن بیانی یێن كو دناڤ رهفێ داعشێ ده شهر ل سووریێ وعراقێ كرنه كو هژمارا وان ب سهدانه ل جهم چهكدارێن قهسهدێ وپهیهدێ بتایبهت كو چهكدارێن ناڤبوری ههر دهم گهفا سهربهست بهردانا وان دكه ئهگهر وهلاتێن وان پێشوازیا وان نهكن .
ئهڤ یهك تێ پشتى بانگا سهروكێ ئهمهریكا دونالد ترامپ ژ وهلاتێن ئوروپى ره ژ بو وهرگرتنا وهلاتیێن خوه یێن كو تهڤلی رهفێن داعشێ بون لێ ئهڤ بانگ هاته رهد كرن ژ ئالیێ گهلهك وهلاتان ڤه بتایبهت ئهلمانیا ودهنمارك كوب گوتنا وان ئهو بهحسا مهترسیتریترین كهس د جیهانێ ده و وهرگرتنا وان مهترسیهك مهزنه ل سهر ئهولههیا وان وهلاتان.
بهریا دو روژان ژی چهكدارێن قهسهدێ هژمارهك چهكدارێن داعشێ یێن خودان رهگهزنامهیا عیراقی رادهستى حكومهتا عراقێ كرن كو نیزیكى 280 چهكداری ههبون , لێ ل گورى ئارمارێن حكومهتا عیراقى بیهترى 500 چهكدارێن عیراقی یێن كو دناڤ داعشێ دهبون د زندانێن چهكدارێن پهیهدێ دهنه .
410
