فۆاد عهليكو بهحسا جڤينا ئهنهكهسێ ب بهرپرسێن ئهمريكى ره دكه
سهركردهیهكى كورد د ئهنجومهنا نشتمانى یا كورد ل سووریێ بهحسا هورگولیێن جڤینێن ئهنجومهنا نشتمانى كورد ل سووریێ ل گهل بهرپرسێن ئهمریكى ل كوردستانا سووریێ و لههولێرا پایتهختا ههرێما كوردستانێ كر .
ئهندامێ پولیتبیرویا پارتیا یكیتی كوردستانی - سووریا ژ ئاركێ ره فؤاد عهليكو راگهاند كو د دهما داوى ده گهلهك دو جڤین دناڤبهرا ئهنهكهسێ وبهرپرسێن ئهمریكى چێبون كو یهك ل عین عیسى بو ویهك ل ههولێرێ بو كو شاندا ئهمریكى تهكهزی ل سهر گرنگیا ههبونا لههڤهاتنهكێ دناڤبهرا كوردان ده پشتره پهیدداكرنا لههڤهاتنهكێ دنداڤبهرا كورد وپێكهاتهیێن دن یێن دهڤهرێ .
عهلیكو ههروهها دیاركر كو بهرپرسێن ئهمریكى گرنگی ددان رێڤهبهریهك ههڤبهش وپاراستنهك ئهولههی ژ دهڤهرێ ره وئامهده باشیا خوه دیاركرن ژ بو پهیداكرنا ئهتموسفیرهك باش ژ بو دیالوكێ .
دربارێ دهڤهرا ئارام عهلیكو ئهشكهره كر كو هین سینور وشیوهیێ دهڤهرا ئارام نه هاتیه دیاركرن ژ بهر كو هین دیالوك دناڤبهرا توركیا وئهمهریكا ژ ئالیهكى وتوركیا وروسیا ژ ئالیهكی دن بهردهوامن كو هندهك خالێن سهرهكه ههنه ل سهر هاتیه لههڤ كرن لێ هین نه گهشتنه ئهرێ كرنه بگشتى .
عهلیكو ئهشكهره كر كو ئهمهریكا دخوازه ئهو دهڤهرا دبن سهرپرشتیهكه ناڤدهولهتى به وبههماهنگى ل گهل تركیا , وتوركیا دخوازه ئهڤ دهڤهرا دبن سهرپرشتیا وێ ده لێ روسیا دخوازه توركیا ل رێكهفتنا ئهدهنه یا كو د سالا 1998 هاتبو ئیمزه كرن ڤهگهره كو ئهڤ ب باوهریا عهلیكو نایێ جیبهجی كرن ژ بهر نه رازیبونا ئهمریكى ل سهر ههبونا روسیا د روژهلاتێ چهمێ ده .
دهربارێ هێزێن كو وێ لجهێ چهكدارێن پهیهدێ بگرن ل دهڤهرا ئارام عهلیكو دیاركر كو هین ئهڤ یهك ژی نهدیاره لێ ههمى تهكهزیێ ل سهر وێ یهكێ دن كو پیویسته هێزهك ژ خهلكێن وێ دهڤهرێ ل ور بجه ببن لهوما بهحسا پێشمهرگهیێن روژئاڤا تێ كرن ژ بهر كو ئهو سووریێ نه وخهلكێ وێ دهڤهرێ نه .
392
