بهرپرسێن كوردستانێ بانگا پاراستنا ماڤێ كوردان ل سووریێ ژ بهرپرسێن رۆژئاڤا ره كر
آرك نيوز .. بهرپرسێن حكومهتا ههرێما كوردستانێ هژمارهك ههڤدیتنك ب بهرپرسێن وهلاتێن رۆژئاڤا ره ئهنجامدان و د وان ههڤدیتنان ده رهوشا سووریێ ب گشتی یا كوردان ل رۆژئاڤایێ كوردستانێ و پرسگریك ومهترسی و گهڤێن ل سهر وان ورۆلا وان د پێشهرۆژا سووریێ ده گۆتووپێژ كر .
د سهرهدانا خوه ژ بۆ ههرێما كوردستانێ سهرۆكێ بهرێ یێ فرهنسایێ فرانسوا هۆلاند دوه 25/2/2019 ههڤدیتنهك ب سهرۆك مسعود بارزانی ره پێكئانی د دهسپێكا ههڤدیتنێ فرانسوا هۆلاند بهحسا رۆلا ههرێما كوردستانێ د شهرێ تهرۆرێ ده وقههرهمانی ولهههنگییا هێزا پێشمهرگ ل شهر وچهنگا وان د رووبرووبوونا رێخستنا داعشا تهرۆر ده كر وئاماژه پێ كر كو پێشهرۆژهكه ب گهش ل پێش ههرێما كوردستانێ یه .
ل ههمبهر ده سهرۆك بارزانی پشتهڤانییا فرنسا ژ گهلێ كوردستانێ ره ئانی زمان وسپاسییهك ژ فرنسا ره شاند كو ههردهم دۆست و ههڤالێ گهلێ كوردستانێ بوو .
ل ئالییهكی دن سهرۆكێ بهرێ یێ فرهنسایێ سپاسییا سهرۆك مسعود بارزانی و گهلێ كورد كر كو پێشوازییا دهربدهر و پانابهران كر وئالیكاری ژ مهسیحی و ئیزیدیان ره پێشكێش كر وتهكهزی ل سهر نهرینا فرهنسا یا چهسپاندی ل ههرمبهر كوردستانێ ئهشكهره كر .
دهربارێ رهوشا سووریێ وپێشهاته وگوههرتنێن داویێ و پێشهرۆژا كوردان ل سووریێ سهرۆك بارزانی و فرانسوا هۆلاند تهكهزی ل سهر پێویستیا پاراستنا كوردان ل سووریێ وپێویستیا نهدهربدهربوونا وان ژ جهێ وان كر .
ل ئالییهكی دن د ههمان رۆژێ ده سهرۆك مسعود بارزانی پێشوازییا بالیۆزێ رووسێ ل عێراقێ ماكسیم ماكسیموڤ و شاند پێره كر .
ژبلی رهوشا ههرێما كوردستانێ وچارهنڤیسا كهركوكێ و پهیوهندی وتێكلی كوردان و رووسیێ وچاوانییا پێشخستن و گهشهپێدانكرنا پهیوهندییان ناڤبهرا ههردوو وهلاتان ده رهوشا سووریێ و كوردان ژی هاته گۆتووپێژكرن .
بالێوزێ رووسێ ل عێراقێ بال كشان سهر گوههرتن وپێشهاتهێن داویێ ل ههرێمێ بگشتی ول سووریێ ب تایبهتی و نهرێنا سیاسهتا رووسیێ وستراتیجیا وێ دهربارێ سووریێ و رۆلا كورد ل سووریا پێشهرۆژ ده ئانئ زمان .
ژئالیێ خوه ڤه سهرۆك بارزانی دلگرانییا خوه ژ پێشهرۆژا گهلێ كورد ل سووریێ دا خویاكرن وبانگا دابینكرنا چارهسهریان كرههروهها ژ رووسیێ خوهست كو رۆلا وان د بداوئانینا ئێش وئازارا كهلێ كورد ل سووریێ ده ههبه .
پشتره ماكسیم ماكسیموف بالیۆزێ رووسێ ل عێراقێ ب راوێژكاری ئهولهههییا ههێما كوردستانێ ره جڤیا وقونسلێ رووسیێ ل هولێرێ فیكتور سیماكوف ژی ئامهدهبوو ل سهر رهوشا داویێ و وپێویستیا چارهسهكرنا پرسگرێكان ناڤبهرا كوردستان وبغدادێ راوهستیان .
ل سهر رهوشا سووریێ ژی بوویهرێن كو د رۆژهلاتا فهرێت ل رۆژئاڤایێ كوردستانێ هاته گوتوبێژكرن و مسرور بارزانی تهكهزی ل سهر پێویستیا دیالۆك ژبۆ دیتنا چارهسهریا سیاسی تێده ماڤێ ههموو پێكهاتهێن سووریێ پارهستی به كر ههروهها پێویستیا گهرانتییا ماف وئهولههییا كوردان ل سووریێ ده كر .
ژ بهر رهوشا داوویێ یا سووریێ و رۆژئاڤایێ كوردستانێ ب تایبهت پشتی بریارا ڤهكشانا هێزێن ئهمهریكی ههردهم بهرپرس ورایادهرێن حكومهتا ههرێما كوردستانێ دلگرانییا خوه ژ پێشهرۆا تاری یا كوردان ل رۆژئاڤایێ كوردستانێ ده تینن زمان و بانگ یهكرێزی وههڤگرتن دكن .
ش.ع
459
