جڤينهك دناڤبهرا نهتهوێن يهگرتى و رێژيما سووريێ ژ بو چارهنڤيسا كامپا الركبان هات لدارخستن
سهروكا شاندا نهتهوێن یهگرتى ژ بو كامپا الركبان رنا زكوت جڤینهك ل گهل بهرپرسێن رێّژیما سووریێ لدارخست ژ بو گفتوگوكرنا دهرخستنا سڤیلان ژ كامپا الركبان .
ئاژانسا تاس یا روسى راگهاند كو سهروكێ ناڤهندا لههڤهاتنا روسیى سیرغى سولوماتین د كونگرهكى روژنهمهڤانی ده ئهشكهره كر كو جڤینا ناڤبورى هات لدارخستن ب ئامهدهبونهك روسى ههروهها سهورك هوزێن كو ل كامپێ دژین .
كو د وێ جڤینێ ده بهحسا ههمى كێشهیێن كامپێ كرن بتایبهت مژارا دهركهتنا سڤیلان ژ كامپێ بهرڤ دهڤهرێ دبن كونترولا رێژیما سووریێ ههڤدهمى دهركهتنا داخوازیان ب ڤهكرنا ریهك ئارام وئهولهه ژ بو گهاندنا خهلكێن كامپێ ژ بو باكورێ سووریێ بتایبهت دهڤهرێن دبن كونترولا چهكدارێن ئوپوزسیونێ ده دبن سهرپرشتیا نهتهوێن یهگرتى .
بهریا چهند روژان ژی روسیا راگهاند كو وان در دهرگههێن مروڤى ژ بو دهركهتنا سڤیلان ژ كامپێ ڤهكرنه ل ههردو باژاروكێن جلیب وجبل الغراب ب ههماهنگی ل گهل رێژیما سووریێ لێ ژێدهرێن ژناڤا كامپێ راگهاندن كو یهك سڤیل ژی د وان دهرگههان ره نهچونه ژ بهر مهترسیا خهلكێ بتایبهت كو ههردو رێ دچن دهڤهرێن دبن كونترولا رێژیما سووریێ ل گوری كو سهروكێ ئهنجومهنا خوجههی یێ كامپێ درباس الخالدی راگهاندبو .
روسیا ههر دهم ئهمهریكا تومهتبار دكه ب رێگری ل دهركهتنا سڤیلان ژ كامپێ ب ریا دهرگههێن كو روسیا ڤهكرنا ههڤدهمى كو ئهمهریكا روسیا ورێژیما سووریێ تومهتبار دكه ب دورپێچكرنا كامپا الركبان ورێگری ل دهركهتنا وان .
كامپا الركبان ل سهر سینورێ سووری ئوردنی دكهڤه وتێده بیهتری 50 ههزار دهربهدهرێن سووریێ د رهوشهكه گهلهك خهراب وههژار ده دژین ژ بهر دورپێچا كو رێژیما سووریێ ل سهر فهرز كریه ههروهها كێمبونا ئالیكاریێن ناڤدهولهتى یێن كو تێن شاندن ژ بو كامپێ .
418
