عراق: مه 280 چهكدارێن داعشێ يێن عراقى ژ قهسهدێ وهرگرتن
ئهودهیا راگهاندنا ئهولههى عیراقى راگهاند كو وان 280 چهكدارێن داعشێ خودان رهگهزنامهیا عراقى ژ چهكدارێن سوریایا دیموقراتیك ل سووریێ وهرگرتن كو د شهرێ دژی داعشێ ده ل سووریێ هاتبون گرتن .
ئهودهیا راگهاندنا ئهولههیا عیراقێ د داخویانیهك فهرمى ده راگهاند كو د شهرێن دناڤبهرا چهكدارێن قهسهدێ وداعشێ چهكدارێن قهسهدێ هژمارهك چهكدارێن بیانى گرتن ههروهها 500 چهكدارێن خودان رهگهزنامهیا عیراقی ژی هاتن گرتن .
داخویانیا ناڤبورى دیاركر كو وهكو رێگریهكی ل سهربهست بهردانا وان ژ ئالیێ چهكدارێن قهسهدێ وان تا نهها 280 چهكدارێن عراقی كو شهر ل گهل داعشێ دكرن وهرگرتنه .
ناڤبوری ئهشكهره كر كو ئهو 280 چهكدار ب ریا دو كاروانان هاتن رادهست كرن ودیاركر كو وێ بهردهوام بن ههتا ههمى چهكدارێن ل جهم قهسهدێ وهرگرن.
ههروهها سهرباركر وگوت كو ئهو چهكدار هاتن وهرگرتن پشتى وهرگرتنا ناڤان ژ قهسهدێ و تهكهزكرنا ههبونا وان ناڤان د تومارێن حكومهتا عیراقێ ده كو بریاره ئهو چهكدار وهرن دادگهه كرن كو ئهڤ بریار بتهنێ چهكدارێن خودان رهگهزنامهیێن عیراقی ل خوه دگره .
ئهڤ یهك تێ ههڤدهمى كو هندهك ئالیێن لهشكهرى عیراقى راگهاندبون كو چهكدارێن سوریایا دیموقراتیك بیست چهكدارێن بیانى ژی رادهستى حكومهتا عراقێ كرنه كو پرانیا وان فهرهنسى نه .
ههر د ڤێ دهربارێ ده ئهندامێ كومیتا ئهولههیا عیراقی علی الغانمى راگهاند كو گرتیێن داعشێ یێن بیانى یێن كو كارێن تهروری ل عیراقێ نهكربن وێ وهرن رادهستكرن ژ بو وهلاتێ وان یێ رهسهن .
434
