پوتين پشتگريا ديالوكێ دناڤبهرا شام وپهيهدێ ده دكه
سهروكی روسیا فلادیمیر پوتین راگهاند كو وهلاتێ وی پشتگریا دیالوكێ دناڤبهرا رێژیما سوورێ وچهكدارێن پهیهدێ ل سووریێ دكن ههڤدهمی جڤینا وی ب سهروكێ توركیێ ره رهجهب تهیب ئهردوگان .
سهروكێ روسیا فلادیمیر پوتین د كونگرهكی روژنهمهڤانی ده ل گهل ههفشانێ خوه یێ توركی رهجهب تهیب ئهردوگان ل موسكویێ دیاركر كو د جڤینا وان ده بهحسا نیازێن ئهمهریكی پشتی بریارا ڤهكشاندنا هێزێن خوه ژ سووریێ وباندورا وێ ل سهر پێشهروژا دهڤهرێ كرن .
پوتین سهرباركر وگوت كو ڤهكشاندنا ئهمهریكى ژ سووریێ وێ گاڤهك باش به ژ بو بهلاڤكرنا ئهولههیێ د دهڤهرێ ده ئهگهر هات و براستى ئهمهریكا خوه ژ سووریێ ڤهكشاند .
دهربارێ دانوستاندنێن رێژیما سووریێ وپهیهدێ سهروكێ روسی ئهشكهره كر كو روسیا پشتگریا لدارخستنا دانوستاندنان دناڤبهرا رێژیم وچهكدارێن پهیهدێ ده دكه .
پوتین تهكهز كر كو دیالوكان دناڤبهرا ههردو ئالیان ده وێ بكاره جڤاكا سوری یهك رێژ بكه ههروهها لههڤهاتنا نشتمانى ب سهر بخه وبێگومان وێ گاڤهك باش به ژ بو سووریێ و وهلاتێن دهردورا وێ ژی .
449
