لعفرینێ 3 كەسین دن ژ ئالیێ كۆمێن چەكدارڤە هاتن رەڤاندن
ارك نيوز .. ژ دەما گۆنترۆلكرنا ئارتێشا توركیێ و گروپین چەكدار ژ هەرێما عفرینا رۆژئاڤایێ كوردستانێ و تا رۆژا ئیرۆ كریار وبنپێكرنێن هۆڤانە دەرحەقێ وەلاتیێن كورد ژ ئالیێ كۆمێن چەكدارڤە ژ گرتن رەڤاندن ، دزی ، تالانكرنا مالو ملكان ، سپاندنا باجان بەردەوامە و تا نها بهەزاران كوردێن عفرینێ هاتنە رەڤاندن و چارەنیڤیسا گەلەك ژوان نەدیارە .
رێخستنا مافێن مرۆڤان لعفرینێ راگهاند د دەما داویێ دە كۆمێن چەكدار ئاستا بنپێكرنێن خوە زێدەكریە وبتایبەتی رەڤاندنا وەلاتیێن كورد هەری داوی سێ كەسێن دن رەڤاندن وبەرەڤ جهێن نەدیارڤە برنە كو تا نها چارەنیڤیسا وان نەدیارە .
وێرێخستنێ راگهاند كو گروقا چەكدار یا بناڤێ الجبهە الشامیە ل رێكەفتا شیێ هەیڤا دوازدەهان گرتە سەر گوندێ ترندێ یێ یبسەر ناڤەندا باژارێ عفرینێ و مالێن گوندیان پشكنینكرن و ژمارەیەك موبایل و ناسنامەیێن وەلاتیێن كورد دەستەسەركرن .
رێخستنا مافێن مرۆڤان سەربار كر وگۆت ژی كو پشتی پشكنینێ هەمان كۆمێن چەكدار وەلاتیێ كورد یی بناڤێ مستەفا ناسر حكمە یێ تەمەن پێنجی سالی و وەلاتیەكی دن تا نها ناڤی ڤی نەهاتیە ناسكرن رەڤاندن و بەرەڤ جهێن نەدیارڤە برن كو تا نها ژی چارەنیڤیسا وان نەدیارە .
وەكە رێخستنا ناڤهاتی دایە خویاكرن كو رۆژا بیست و نەهێ بەرچلەیێ چەكدارێن الجبهە الشامیە ب تۆمەتا كو پەیوەندیا وی ب رێڤەبەیا پەیەدێ رە هەبوو وەلاتیێ كورد یێ بناڤێ عابدین عزت ژ باژارۆكێ معبتلی رەڤاند و تا رۆژا ئیرۆ چارەنیڤیسا وی نەدیارە .
هەروەها رێخستنێ دیار كر كو رێكەفتا بیست و شەشێ هەیڤا دووازدەهان وەلاتیی بناڤێ حسن حاجی كو ب حمودە ئیبی تێ ناسكرن ژ باژارۆكێ خوە معبەتلێ ژ ئالیی چەكدارێن الجبهە الشامیە هاتە رەڤاندن و بۆ بەرەڤ نەدیااارڤە هاتە برن و تا نها ژارەنیڤیسا وی نەدیارە .
وەكە رێخستنێ دایە زانین كو حسن حاجی بەریا نها دوو جاران ژ ئالیێ چەكداران ڤە هاتبوو رەڤاندن و هەر جار ل همبەر پەرەیان سەربەست دهات بەردان ، لێ ژ دەما كو هاتیە رەڤاندن د جارا داویێ دە تا نها چارەنیڤیسا وی نەدیارە .
رۆژ برۆژ و ئاستا بنپێكرنان دەرمافێ وەلاتیێن كورد دە ژ ئالیێ كۆمێن چەكدارڤە زێدە دبە ، ورۆژانە وەلاتی راستی تەڤایا جورێن بنپێكرنان تێن بێ كو تا نها رەوشا عفرینێ وەرە چارەسەركرن یان ژی سینۆرەك ژڤان بنپێكرنان رە وەرە دانین.
424
